JFK

Brosum, verum glöð

2008-10-06T17:04:00.003Z

Maðurinn notar færri vöðva þegar hann brosir heldur en þegar hann grettir sig.

Konan líka.

Í ljósi atburða undangengina daga er ljóst að nauðsyn er á bjartsýni og jákvæðni. Þess vegna hef ég ein sett mér að taka "happy thoughts" hugsunarhátt á þetta allt saman. Líta á það bjarta og góða í lífinu. Því mun ég ekki taka þátt í umræðum sem innihalda orðin:

1) Þjóðnýting
2) Gengisfall
3) Króna
4) Kreppa
5) Seðlabankinn

Ég get einnig bent á þann ljósa punkt að ég er nýkominn úr námi og á því ekki bót fyrir boruna mína. Því eru mínir hagsmunir minni en margra þó nægir séu þó. Skemmtilegt hvernig JFK nær að setja fátækt í jákvæðan búning.

Ég ætla að ljúka þessum stutta pistli með góðri speki

"This too shall pass"

Hvað er að frétta af JFK

2008-09-26T15:09:00.002Z

Af hverju ekki að blogga?

Ég ætla ekki að fara út í ástæður bloggþurrðar, þær eru engar. Ég ætla ekki að koma með háfleygar yfirlýsingar um að nú muni ég blogga eins og vindurinn, það væri lygi.
Ég ætla hinsvegar að rita örfá orð um það sem á daga mína hefur drifið undanfarna mánuði.

Fyrst ber að nefna brúðkaup. Mitt brúðkaup meira að segja. Ég giftist ástinni minni, henni Höllu, 12. júlí s.l. og sá dagur var fullkominn. Fjölskylda og vinir gerðu þennan dag þann besta sem undirritaður hefur upplifað.

Hætti í dressmann eftir áratuga viðveru þar. Fór að vinna í Levi's. Hafði gaman af tilbreytingunni en sakna vinnufélaga í Drez.

Fór til Tenerife í brúðkaupsferð. Eins og brúðkaupið sjálft var ferðin fullkomin. Lágum í leti í sólbaði, löbbuðum um, kynntumst nýju fólki (Adda og Elísu) og höfðum áhyggjur af yfirvigt á leiðinni heim.

Flutti til Ísafjarðar (já ísafjarðar). Fékk þar stöðu fulltrúa hjá sýslumannsembættinu þar sem ég sé um ákærumál. Virkilega spennandi vinna en með augljósan ókost. En tíminn líður hratt og ég verð duglegur að koma norður.

Hef þetta ekki lengra í bili, veit ekki hvort eða hvenær einhverju verður hent inn hér til viðbótar

Góða helgi
Fulltrúinn
(hér eftir skrifa ég einungis undir sem "fulltrúinn", þið verðið bara að kyngja því)

Skrítin tilfinning

2008-05-15T21:12:00.002Z

Það að leiðast getur verið góð skemmtun. Nú þegar maraþonsetu við ritgerðar-gerð er lokið kemst ég að því að ég á frítíma. Þarf ekki að stressa mig á kvöldin yfir því að vera ekki að læra, lesa eða skrifa. Skrítið.

En það er svosem ekkert að gerast, sem er kannski einmitt þema þessarar bloggfærslu. Og kannski er hún dauðadæmd fyrir vikið.

Anywhoo.

Ég ætla að halda áfram að láta mér leiðast. Það er gaman!

/JFK

BÚINN!

2008-05-08T10:08:00.001Z

Og ég er .....

2008-04-15T20:04:00.002Z

...voða voða sybbinn. Sit hér uppá borgum og er sybbinn.

Fór í póker um helgina á meðan Halla mín og Helena mágkona voru að gera girly-stuff. Þá liggur beinast við að gera manly-stuff og hvað er meira manly en póker? Ekkert, nema kannski póker og vindlar frá kúbu. En pókerinn gekk skítsæmó og ég lenti í 3ja sæti, segi það og skrifa.

Ætti samt að vera að þegja og skrifa ML ritgerð, en ég er sybbinn.

Veðrið, boy o boy veðrið, vorið að koma og allt æðislegt að frétta af þeim vígstöðvum. Langar að grilla. Langar í grill. Redda þessu síðast nefnda fyrst og fer svo í það fyrrnefnda.

Og nei mamma, ég er ekki hífaður þegar þetta er skrifað, bara voða voða sybbinn....

/JFK

Gasolina

2008-04-02T10:09:00.002Z

Eftir margra vikna umhugsunarfrest hef ég ákveðið að blogga. Það á svo eftir að koma í ljós hvort að sú ákvörðun borgi sig.

Anywhooo...
Er að skrifa ritgerð. Er með skrifstofu á Borgum sem ég deili ásamt Geira. Dandala fínt allt saman og ritgerðin mjatlast áfram á sínum hraða en ekki mínum. En þetta hefst allt saman.

Varð vitni að sjaldgæfum atburði í gær. Mótmæli samlanda minna gegn háu bensínverði og á sjöunda tug trukka að mér skilst sem tóku þátt í því. Ekki ætla ég að halda tölu um málstaðinn sem slíkan (enda Bjarki búinn að gera því góð skil á www.bjarkis.com). Hins vegar langar mig að benda á að í fyrsta skipti í langan tíma eru menn að sýna hug sinn í verki. Við erum evrópu, heims og smáþjóðameistarar í tuði en yfirleitt gerum við ekkert annað en einmitt það. Tuðum.

Nú virðist hinsvegar sem allnokkrir hafi tekið sig til og ákveðið að gera eitthvað annað í málunum. Mér finnst það allt að því aðdáunarvert. En ég hef ekki lent í töfum vegna þessa og þarf ekki að ná í barn á leikskólan, ná flugi eða mikilvægum fundi. Þá væri kannski annað hljóð í skrokknum.

Það skiptir ekki máli hvort að ég hafi samúð með málstaðnum eða ekki. Mér finnst fínt að menn skuli láta verkin tala en ekki bara orðin tóm.

Svo að lokum,
verður þetta síðasta bloggfærslan eða ekki?

/JFK

Eins og flís við rass

2008-02-07T17:28:00.000Z

Hvar er ég staddur nema í Vídd? Hvergi, ég er í vídd.

Tengdó farin til Kanarí og þá er JFK kallaður til sögunar til að tryggja að Akureyringar fái sínar flísar. Og það fyrsta sem JFK gerir þegar mætir í Vídd til að tryggja umræddum Akureyringum umræddar flísar? Bloggar.

Yessiríbob. Það er ekki það að neitt sé að frétta. Er í refsirétti núna, var að klára félagarétt og svo er einn áfangi í viðbót og mastersritgerð og hvissbúmm, kallinn orðinn lögfræðingur. Fræðingur í lögum.

Svo langar mig að koma því á framfæri við þann sem málið varðar; Ekki meiri snjó. Þetta er orðið fínt af snjó. Ég nenni ekki að skafa bíllinn minn16x á dag. Hættu þessu.

/JFK

labbaði á hurð

2008-01-22T14:43:00.000Z

Jæja, þá er maður búinn að labba á hurð á því herrans ári '08. Reyndar er það ekki alveg nákvæm lýsing þegar ég segi labba því að ég eiginlega opnaði hurðina og labbaði á hana í einum rykk. Ég mætti semsagt í vinnuna með bólgið auga og sagði að ég hefði labbað á hurð. Það voru fáir sem trúðu því.

Handboltinn er mál manna þessa daganna og ég hef komist að því að ég tek þetta alltof mikið inná mig. Ef að vel gengur er ég glaður, illa og ég er ekki samræðuhæfur. Ætla að reyna að róa mig og hafa gaman að þessu.

Nenni ekki að blogga meir, meira seinna
/JFK

Nýtt ár, Avúhú!

2008-01-12T23:14:00.000Z

Af hverju ekki að blogga? Maður spyr sig.

Anywhoo

Jólin komin og farin. Áramótin líka. Þetta var eins gott og það getur verið. Var að vinna mikið í des og nóg að gera. Byrjaði á mastersritgerð og komst eitthvað á stað með hana. Spurning hvort að það verði meistara (masters) verk þar á ferð, kemur í ljós.

Fékk ekki svo mikið af pökkum. Verð að fara að venjast tilhugsuninni að ég sé ekki 9 ára gamall lengur og hef samkvæmt því ekkert tilkall til 63ja pakka eins og var. Fékk engu að síður frábærar gjafir þrátt fyrir að þær hafi ekki verið margar. Uppúr stendur þó gítar sem að Halla mín gaf mér og ég er búinn að vera að glamra á síðan. Held að ég verði að gera konunni minni og nágrönnum greiða með því að læra á kvikindið en mikið afskaplega var gaman að fá þennan pakka. Ekki aðeins var hann lang stærðstur heldur var hann líka skemmtilegastur.

Verð þó að minnast á flakkarann sem að við fengum frá ma og pa. Þvílíkt snilldartæki sem það er. Allir Friends- og simpsonsþættir komnir þarna inn (þökk sé Sigga Rún) og nokkrar bíómyndir í bónus. Þetta þýðir að Jón fer aldrei aftur á video leigu. Sennilega. Kannski. Líklega.

En, skólinn að byrja á mán og ekkert nema gott um það að segja.

Ætla að halda áfram að æfa mig á guitar (viljandi skrifað á ensku þannig að þetta líti flottar út)....

/JFK

GLEÐILEG JÓL

2007-12-24T12:11:00.000Z

Ég óska öllum vinum og vandamönnum gleðilegra jóla og farsæls komandi árs. Þakka fyrir samverustundir á liðnu ári og vona að hátiðarnar fari vel með ykkur.

víííí happy xmas

Poker brings out the worst in people

2007-12-06T12:48:00.001Z

Ég nánast get ekki leynt vonbrigðum mínum með þá staðreynd að loksins þegar ég hunskast til að blogga þá commentar enginn. En ég læt ekki deigan síga. Þetta er töff, "deigan síga"

Anywho. Það var póker heima hjá mér um daginn. Við borðið sátu valdir menn í hverju sæti og fór valið eftir ákveðnum skilyrðum. Allir þessir einstaklingar eru þekktir fyrir að vera kurteisir með afbrigðum og geðgóðir. Eða svo ég hélt

Það átti sér stað ákveðin uppákoma sem enginn gat séð fyrir. Menn voru gersamlega óviðbúnir.
Þannig var nefninlega mál með vextina að nokkuð var liðið á leikinn og fjárhæðin í pottinum alltaf að stækka. Svo kom að umræddu spili. Þessu örlagaríka spili. Sem enginn sá fyrir.

Ég legg undir og þóttist vera með nokkuð góða hendi. Tveir af félögunum voru skynsamir og ákváðu að elta ekki. Einn gerði það hinsvegar. Þegar potturinn hafði náð nýjum hæðum og enginn fleiri spil stóðu til boða var kominn tími á að "put up, or shut up" eins og við í pókernum segjum alltaf.
Ég legg mín spil á borðið, andstæðingur minn gerir slíkt hið sama og ég sé að ég hafði þetta. Andstæðingur minn sá það hinsvegar alls ekki og varð, öllum að óvörum, mjög glaður. Byrjar að sópa til sín chipsum þar til ég sá mig knúinn til að leiðrétta misskilninginn. Nú er gott að rifja upp þessi skilyrði sem nefnd voru að ofan, kurteis og dagfarsprúðir. Þegar að hann áttar sig á að hann hafði í raun ekki unnið heldur tapað, lemur hann hnefanum í borðið, lítur á mig og segir hátt og snjallt "krakkhóra". Það liðu fimmtán min. þar til hægt var að halda áfram með spilið því við hlógum svo mikið

good times
/JFK

Ekki dauður úr öllum æðum, bara flestum

2007-11-30T09:12:00.001Z

Heyrðu, hvað er í gangi? Nýtt blogg?

Yes sir í Bob, það held ég nú. Ég er semsé ekki dauður in all vains, hef bara verið latur.

og nú, fréttir!

Ég er búinn í skólanum. Reyndar ekki búinn búinn heldur búinn í tímum. Nú tekur við meistararitgerðarsmíð og ég er aðeins búinn að vera að grúska í því. Prófin fóru vel og enginn upptökuvesenis lærayfirjólintilaðtakaprófíjanúar fyrir JFK. Sem er gott.

Búið að skreyta heima, alveg eins og ég lofaði í færslunni á undan. Sem er í sjálfum sér ekkert afrek því að samkvæmt dagatali þá er vel yfir mánuður frá því að ég lofaði að skreyta. En það vantar samt aðeins meira skraut og við Halla mín ætlum að bæta úr því. Það verður gert einhvern tímann fyrir jól.

En desember er á morgun og sá mánuður fer í það að skrifa ritgerð og vinna í dressmann. Sennilega eru þetta síðustu jólin sem að ég kem til með að vinna þar. Og þegar ég segi sennilega þá meina ég pottþétt, klárlega, algerlega. Ekki það að það sé slæmt að vinna í dressmann en eftir fimm ár þá verður þetta svoltið þreytt. Næsta vor útskrifast ég sem lögfræðingur, ef guð og lukka lofar og þá þarf ég að ákveða hvað ég ætla að verða þegar ég verð stór. Gæti endað á því að ég verð að vinna sem götusópari þegar upp er staðið sökum valkvíða og stekk á tækifærið til að vinna hjá dressmann um jólin. Erfitt að segja.

En með þessu hef ég sýnt og sannað að sögur af andláti mínu hafa verið stórlega ýktar. Ég er á lífi en ég er ekkert sérstakur bloggari.

Wehehellll, hef það ekki lengra í bilinu

/JFK

Zub Zero

2007-10-17T16:42:00.000Z

Kemst alltaf í blogg-gírinn þegar ég er í Vídd. Og áður en þið spyrjið þá er alveg nóg annað að gera í vídd en að sitja fyrir framan tölvuna og blogga. En þar hafiði það.

Íííííískalt úti og svei mér ef jólin fara bara ekki bráðum að koma. Ætla að skreyta fullt í ár því að ég var á kanarí um síðustu jól og missti eiginlega af því. En ég er vinur Ziggapé þannig að ef að mig vantar atvinnumannaráðleggingar þá hringi ég í hann. held að hann byrji að skreyta fyrstur á Akureyri og er sá síðasti til að taka niður.

En skattaréttur heldur ótrauður áfram og mér finnst það ekki gaman. Próf á föstudaginn og skila verkefni á föstudaginn. Mér leiðist ekki þrátt fyrir að finnast þetta leiðinlegt. Það er nebblega ekki það sama

/JFK

Smooth operator

2007-10-12T14:28:00.000Z

Þá er jón kominn á gamalkunnar slóðir, flísaverslun Vídd no less. Verð að vinna aðeins meðan tengdó er í Kína. Spauglaust, Kína.

En ég er að fara í vísindaferð í SagaCapital á eftir. Var reyndar að þjóna þar þegar þeir opnuðu þannig að ég veit alveg úti hvað ég er að fara. Húsakynnin eru glæsileg og alveg samboðin Jóni ykkar. Ætla að reyna að verða mér úti um eitt stk vinnu eða svo, sjáum hvernig það fer. Það er nebblega þannig að þegar tveir bjórar eru komnir í bumbuna á Jóni þá er hann smooth talker, fjórir bjórar ekki svo mikið og eftir sex stk er jafngott að Jón segi bara ekki neitt.

En sólin skín, hún er fín. Heitt og gott veður, smá vindkæling í gangi en ekkert sem drepur mann.

skattaréttur er byrjaður og ef ég myndi segja ykkur að hann væri áhugaverður, þá væri það helber lygi.

/JFK

Flabbergasted

2007-09-27T22:24:00.000Z

bíddubíddu bíddu. Ég var rétt í þessu í mestu makindum að vinna í verkefninu sem ég á að skila á morgun og sjónvarpið var í gangi. Þeir sem vilja setja út á það, go for it. Ég læri þótt að það sé kveikt á sjónvarpinu. Get ekki lært í þögn, verð stressaður.

Anywho, ég heyri útundan mér að það er verið að kynna myndbönd mánaðarins. Ekki frásögum færandi nema þegar að þulurinn vippar sér í að kynna nýja mynd um stökkbreyttar unglingsskjaldbökur. Eins og það sé ekki nógu fáranlegt.
Alltént var þetta myndband auglýst undir heitinu "teenage mutant ninja skjaldbökunar" Nú spyr ég sjálfan mig " Af hverju, ó af hverju var ákveðið að þýða ekki teenage, ekki mutant, ekki ninja heldur bara turtles!?!"

Sennilega á ég eftir að fara í gröfina hafandi aldrei fengið svar við þessari spurningu, en hún brennur á mér núna.

Well verð að klára skaðabótaréttinn, við skulum segja að aðalmaðurinn í verkefninu sem heitir því guðdómlega nafni Jón (nema hvað), hefði ekki átt að fara framúr umræddan dag

/JFK

The white thunder

2007-09-20T12:22:00.000Z

Jafnvægi í heiminum hefur verið náð á ný. Carinan a.k.a. hvíta þruman er búin að fá viðeigandi skoðunarmiða og allt er gott. Þessi "hellingur" sem var að honum var enginn hellingur. Það tók mig og minn bifvélavirkja ca about 32 min að kippa öllum atriðum í lag.

En alltíeinu er kominn fimmtudagur sem bendir til þess að helgin sé skammt undan. Það er lovely.

Nenni ekki að blogga, vildi bara láta vita að hvíta þruman væri í rétta gírnum, margir sem eflaust hafa misst svefn en geta nú sofið rólegir

/JFK

Hvíti bíllinn sem varð grænn, alltíeinubara

2007-09-14T14:45:00.000Z

Það er semsé föstudagur í dag, sá 14. þessa mánaðar. Í gær átti mamma mín hinsvegar afmæli og verður það að teljast til hápunktar mánaðarins hingað til. Ég fór líka í 50% próf og hef því formlega lokið samningaréttaráfanga, nema að prófið hafi farið á versta veg. Við skulum í sameiningu krossleggja fingur og tær og vona að svo sé ekki.

En í dag er ég búinn að fara með bílinn í skoðun. Það var ekki skemmtileg ferð. Bíllinn minn, þessi hvíta þruma sem hann er, fékk grænan miða. Þegar ég spurði af hverju þá sagði skoðunarmaðurinn "það er fullt" eins og það væri of langt mál að telja upp og það borgaði sig fyrir mig að leggja Toyotuni fyrir fullt og allt.
Í ljós kom að hann er aðeins farinn að freta, ekki mikið, bara aðeins. Og það vantar stöðu-og númeraljós.
Ég er enginn eldfaugasérfræðingur, en mér finnst þetta ekki fullt. Skipti um tvær perur og læt sjóða aðeins í pústið og lagó, málið er dautt.

Ljósi punkturinn í þessu er þó sá að núna ek ég um á partialy grænum bíl. Þarf ég þá nokkuð að kolefnisjafna?

góða helgi lömbin mín

/JFK

Smurf Smurf

2007-09-10T20:30:00.000Z

Hankypanky jíbbícola smurf smurf

Hvað haldiði annað en að jón sé farinn að blogga aftur. Ótrúlega margt spennandi og skemmtilegt búið að gerast síðan ég talaði við ykkur síðast. Fór suður á opnun nýs skemmtistaðar, Rúbin, sem er sennilega sá allra flottasti í Evrópu. Er við hliðina á keiluhöllinni og er alveg hreint magnaður.

Skólinn kominn á fullt og samningarétturinn rétt svo ókláraður, bara eins og eitt lítið skitið 50% próf eftir og við blasir skaðabótaréttur. Skaðabótaréttur er víst alveg ógeðslega erfiður. Gaman að því.

Farinn að æfa aftur, get sagt þetta með nokkurri sannfæringu því að ég fór í síðustu viku og ég er búinn að fara í þessari viku. Þetta þrefaldar því árangur undanfarina mánaða og allt er eins og það á að vera.

En það er ekki hægt að ætlast til þess að fyrsta blogg eftir mánaðarpásu sé eitthvað til að hrópa húrra fyrir.

meira seinna, ég lofa

/JFK

Pizzapie

2007-08-13T09:16:00.000Z

Það held égnú mánudagur og helgin nýliðin. Ekkert nema gott um þessa helgi að segja. Jói og Anna Emm komu norður og það var gaman. Það var farið á smá trall á föstudaginn í tilefni af því en laugardagurinn var rólegri.
Var þó vakinn kl hálf fimm á laugardagsnótt/sunnudagsmorgun. Sá er vakti mig hafði gleymt bæði lyklum og síma og var því læstur úti og gat ekki hringt. Ég sá aumur á honum og leyfði honum að sofa á sófanum.
Svo komu Annaemm og JóiTönn í mat í gær og það var heimabökuð pizza á boðstólnum. Þessi pítsa er margrómuð fyrir að vera sú besta í evrópu og þó víðar væri leitað. Svo var farið á videoleigu og Guilty tekinn með Vin Diesel. Samdóma álit manna og kvenna að sú mynd væri mjög góð.

Anywhoo, enginn frídagur í þessari viku og það styttist í að skólinn byrji. Farinn að hlakka pínkuponsu til en á sennilega eftir að jafna mig á öðrum degi skólaárs og byrja að bölva.

/JFK

Versló núll sjö

2007-08-09T15:45:00.000Z

Það er liðin heil vika frá síðasta bloggi, og ein verslunarmannahelgi.

Mín versló var hin rólegasta, enda ekki margt um manninn í bænum. Mikið hefur verið rætt og ruglað um þessa ákvörðun að banna tilteknum aldurshóp að tjalda og ég hef að sjálfsögðu skoðun á því.

Mér finnst þetta í hæsta máta undarleg hegðun bæjaryfirvalda. Ég leyfi mér að efast um lögmæti þessarar ákvörðunar og mér finnst tímasetningin stórundarleg, korteri fyrir kosningar eins og maðurinn sagði. Verslunarmenn voru margir hverjir búnir að leggja mikinn kostnað í hátíðina, í samræmi við loforð bæjaryfirvalda. Það ber að hafa það í huga að skipulagning þessarar helgar byrjar af krafti í febrúar-mars og því nægur tími til að gera verslunarmönnum ljóst að það sé möguleiki á því að þeirra stærðsta markhóp verði nánast meinaður aðgangur að hátíðinni.

Svo skil ég ekki hvað allir eru að tala um að helgin hafi farið vel fram. Mér skildist á fréttamiðlum að mikill erill hefði verið hjá lögreglu og að á sunnudagskv hafi allar fangageymslur verið fullar.

En hvort sem menn ætla að halda áfram að rífast um þetta og fara fram á afsögn bæjarstjórnar eða ekki er ljóst að svona vinnubrögð eiga ekki að sjást.

uuuummm Andlitsbók?

2007-08-02T15:25:00.000Z

Tími á smá blogg.

Veðurspá er merkilegt fyrirbrigði. Þegar þeir spá góðu veðri verður maður oftar en ekki fyrir vonbrigðum. Þegar að þeir spá vondu veðri hafa þeir yfirleitt alltaf rétt fyrir sér. Undarlegur andskoti.

Það hefur ekki farið fram hjá mörgum að spáin fyrir helgina er ekki góð. Hvað er þá til ráða? Klæða sig betur er svarið mitt, málið dautt.

annars hef ég verið að vesenast aðeins í facebook sem að Jói minn kom mér inná. Skemmtilegt dæmi og ég hvet fólk til að stofna sitt eigið svæði þarna inni. Hægt að vera í sambandi við fólk sem maður annars þarf ekki að hitta og/eða tala við auglitis til auglitis.

Það skín samt sól núna, vona að það teygi sig yfir á þriðjudaginn í næstu viku.

/JFK

Leggðu slökkvitækið frá þér vinur...

2007-07-30T14:27:00.000Z

Þessi líka ágæta helgi afstaðin. Spilaði póker í góðra vina hópi á laugardaginn og stóð mig með eindæmum illa. Var fyrstur út og fór í playstation í staðinn í hæfilegri fýlu. Það þróaðist svo úti singstar og var háð hörkukeppni. Svona tilþrif hafa sjaldan eða aldrei sést í keilusíðu 2h, nósiríbob.

Sunnudagurinn var svo tekinn með trompi niðri dressmann þar sem að ég komst að því að umferðin um glerártorg er meiri en ég hélt. Ca. 120.000 manns á mánuði.

En versló er framundan í öllu sínu veldi og með sína kosti og galla. Ég verð að vinna á strikinu á föstudag og laugardag. "Að þjóna" gætuð þið þá spurt sjálf ykkur að nokkuð undrandi. "Nei" myndi ég þá svara, svoltið óhress með hvað þetta kom ykkur á óvart.
Ég verð í hlutverki einskonar dyravarðar og felst starf mitt helst í því að hindra að drukknir unglingar tæmi úr slökkvitækjum staðarins (hefur gerst) og að fólk troði sér í lyftuna og valdi því að hún stöðvist (hefur líka gerst).

Þannig að ég sé fram á spennandi tíma

/JFK

Föstudagspistill um akkúrat ekki neitt

2007-07-27T11:24:00.000Z

Föstudagurinn no less.

Ekki mikið í gangi hjá Jóni og co þessa daganna. Lúkas á lífi og class-action lögsókn fylgir í kjölfarið. Við sem þjóð erum sérstök að fleiru en einu leyti.

En það er ekkert ákveðið framundan. Ætlaði að reyna að koma mér austur í bústað um helgina en þarf að vinna. Krapp fyrir því.

En það er alltaf verið að selja flísar og svo er jón aðeins farinn að undirbúa síðustu tvær annir í laganámi sínu. Merkilegt til þess að hugsa að næsta vor er möguleiki á því að útskrifast með master í lögfræði. Kallinn að verða fullorðinn get ég sagt ykkur.

En allt gengur sinn vanagang og það er bara ágætt

/JFK

Optimus Prime

2007-07-25T08:03:00.000Z

Wellwell
hversu gott var að borða á freddie the fifth? Pantaði mér nautalund, medium rare og boy-o-boy var hún góð. Það hefði verið hægt að borða hana með skeið. Þetta var bara ofsalega vel heppnaði í alla staði og allir glaðir. Nema SiggiRún daginn eftir. Ekki var hann fúll af því hann var timbraður heldur vegna þess að hann vildi fara aftur, alla daga, vera helst í fæði hjá Fredda. Og ég skil hann vel.

Svo heyrði ég í Bjarkabekkjarbróður sem ég hef ekki gert í allt sumar og stakk uppá því að fara í bíó. Á transformers. kl 23 á sunnudegi. Átti hálft í hvoru von á að það yrðu frekar fáir í bíó og myndin væri svona lala. Varð samt að sjá hana því þetta eru jú transformers sem við erum að tala um.
Kom í ljós að ég var að tala útum rass***** á mér í báðum tilfellum þar sem að það var nánast uppselt og myndin var bara þrælskemmtileg.

Nú bíð ég spenntur eftir að Thundercats (hóóóó!) og He-man komi út og ég verð algóður.

Well, vikan er hálfnuð af því að það er miðvikudagur
/JFK

Ahoj-hoj

2007-07-19T11:43:00.000Z

Fimmtudagur sem þýðir aftur að það er föstudagur á morgun. Sem er gott.

Nóg um að vera, Raggi er í bænum og við fórum í bíó í gær. Quentin Tarrantino myndina með Kurt Russel. Stórgóð. Einn besti endi sem nokkurn tíman hefur sést á hvíta tjaldinu.

Svo borðaði ég bjórkjúkling hjá ma og pa sem var gott og fór í fótbolta með Magnúsi Ofurfrænda Mána sem var alveg frábært.

En það er freddie the fifth á laugardaginn og ég get ekki beðið. Verð samt að bíða. Það sökkar.

Wellster.

Jón kveður

(það er ekkert hækuljóð um sólina núna því að hún er ekki og ég finn ekkert (nenniekkiaðfinnaneitt) í staðinn

Fús-ball

2007-07-17T09:58:00.000Z

Hvað haldiði að Jón hafi gert í gærkveldi? Farið á fótboltaleik þaðheldénú. KA vs Þór og ég og atli bró og pabbi skelltum okkur. Og Rúnki henna Lubbu kom líka með. Úr varð hin ágætasta skemmtun og við urðum vitni að lélegasta víti áratugsins. Veit hvað þið eruð að huxa "hann hefði ekki getað betur þannig að hvað er hann að rífa sig" Málið er bara að ég hefði getað gert betur. Einfætt, fjögura ára stelpa með kryppu og lepp hefði getað gert betur.
Anywhoo.

Matarboð í kvöld.

nammnamm

sólin skín og hún er ennþá fín
JFK

Pissað og engin tók eftir því...

2007-07-16T08:55:00.000Z

Fínasta helgi afstaðin. Stóð við stóru orðin og fór á Arry Phhotter! sem var bara fín afþreying. Sat á næst fremsta bekk og það ætti að vera ólöglegt að hafa sæti svona nálægt tjaldi. Stundum leið mér eins og ég væri að horfa á tennisleik þar sem að ég mátti hafa mig allan við að ná því sem var að gerast.

Á laugard var svo matur hjá ma og pa. Svo var skellt sér í eitt stykki hundapössun og póker. Gekk vel nema að hundkvikindið virðist hafa náð að pissa á gardinur. Sem ég skil ekki. Svo var kíkt í bæinn en ég var spakur og staldraði stutt við. Atli bróðir og Eva mágkona voru hinsvegar að til 5:30. Það er af sem áður var.

Um næstu helgi er svo búið að panta borð á Friðrik V, eða Freddie the fifth eins og ég kýs að kalla hann. Hlakka afskaplega mikið til að borða þar og held vart vatni.

En sólin skín og hún er fín,
/JFK

Mamma er sterkari en pabbi. Auðvitað

2007-07-13T13:36:00.000Z

Fös-tu-dag-ur. Jessiríbobþaheldénú!

Hitti Magnús Frænda Mána og fylgilið hans í gær og komst að ýmsu. Samkvæmt honum er Eva mágkona mín sterkari en Atli bróðir minn. Hún á líka frekar að keyra heldur en hann. Ég efast ekkert um sannleiksgildi þessara staðhæfinga enda frændi bráðskýr.
Á meðan að Jón frændi er sterkastur þá er þetta allt í góðu og ekkert sem þarf að leiðrétta.

En nú er helgi framundan og ég auðvitað að vinna. Er í Dressmann þessa helgina. Þarf að rifja upp hvernig það er vegna þess að það er langt síðan ég skellti mér í jakkafötin. Er að spá í að skella mér í bíó í kvöld þannig að það er allt að gerast.

Afskaplega andlaust blogg enþaebarasonna!

JFK

Fastur svefn, dofin hendi

2007-07-11T12:11:00.001Z

Jæja lömbin mín,
tíðindalausir undanfarnir dagar. Akkurat ekkert markvert búið að gerast. Ekkert.
Atli bró og family eru að koma á morgun, verður snilld að hitta þau. Magnús frændi verður bara meiri og meiri töffari og hlakkar mikið til að fá coco-puffs hjá ömmu sinni.

Hjá mér er hinsvegar allt við það sama og ekkert slúður. Er enn að jafna mig í öxlinni eftir að hafa sofið í óhefðbundinni stellingu. Ég vaknaði og hægri höndin var dauð. Veit ekki hvernig ég fór að því en öll mín 90kg hafa safnast saman ofan á hendinni á mér og reynt sitt ítrasta við að endanlega ganga frá höndinni. Hvort að það var vegna þess að restin af skrokknum af mér er afbrýðissamur út í höndina eða hvað veit ég ekki. Vona bara að allir nái að lifa í sátt og samlyndi þannig að ég þurfi ekki að skerast í leikinn.

Þá hef ég þetta ekki lengra að sinni
/JFK

uuuu þetta var óvart....

2007-07-06T10:21:00.000Z

boy o boy. Flott veður núna og ég sé svalirnar mínar í hillingum með einn kaldann í hendi. En það eru ákveðin smáatriði sem standa í vegi fyrir því eins og vinna og þannig dútl. En ég er spenntur fyrir komandi helgi og ætla að hafa það ofsa gaman bara. Leika við jóa minn og vinna og solleiðis.

Verð að minnast aðeins á þetta Bjarna Guðjóns dæmi. Ég held að það sé ómögulegt að vita hvað gerðist og allir þeir sem eru að fullyrða eitthvað eru að giska. Sá eini sem veit hvað rétt er, er Bjarni sjálfur. Keflvíkingar sýndu svosem ekki mikinn þroska með þessum ofsafengnu viðbrögðum sínum. Það er hægt að skilja gremju en það er ekki boðlegt að hún skuli brjótast út í ofbeldi. En það hefur margt verið skrifað og rætt um þetta atriði og það sorglega er að þetta er enn sem komið er hápunktur þessa fótboltatímabils. Held að menn frá báðum félögum ættu að sjá að sér, gera sér grein fyrir fáranleika þessa atviks og biðjast afsökunar á sínum þætti í þessu.

Þá heldur Jón inní helgina, syngjandi sæll og glaður

Baby snatcher

2007-07-04T09:59:00.000Z

Vika hálfnuð.

Í gær fórum við halla mín í heimsókn til vinafólks okkar og sáum frumburð þeirra. Afskaplega vel heppnað eintak í alla staði og foreldra hlutverkið fór þeim vel. Ég var spurður að því hvort að ég vildi halda á krílinu en aftók það með öllu. Ég er nebblega orðinn ragari við það að halda á börnum eftir því sem ég eldist. Þegar ég var ungur og hraustur hrifsaði ég krakkann jafnvel úr höndunum á móðurinni án þess að hún næði að átta sig á því fyrr en eftir á.
En núna þakka ég pent og læt mér nægja að horfa á stubbana og gera kútchikútchi-kú hljóð.

En Jói minn er að koma um helgina og það er schnilld. Ætla í tilefni af því að fjárfesta í dýnu en veit ekkert hvar hún á að vera, endar sennilega á svölunum þannig að það eins gott fyrir joey að það verði í lagi með veðrið um helgina.

Svo er atli bró kominn til landsins með Evu sinni og Magnúsi frænda. Vil fá þau norður eins fljótt og hægt er. Ef það verður ekki bráðlega fer ég suður og rifja upp gömlu "snatch and grab a baby" taktikina sem ég nefndi hér að ofan.

Well
/JFK

Return from the city of fear and doom

2007-07-02T09:34:00.000Z

Snúinn aftur úr borg óttans. Frábær ferð í alla staði. Veðrið var undarlega gott og því tilvalið að vera á þjóðarbókhlöðunni. Annars var það alls ekki slæmt, aðstaðan er frábær og ég náði að koma þónokkru í verk.

Við Halla mín fórum í mat til Agnesar á föstudagskvöldið sem var mjög gott. Gnesa eldaði lasagna með baunum sem ég var ánægður með. Raggi og Robbi voru þó ekki jafn ánægðir þegar að leið á kvöldið. Það var farið í keilu þar sem að ég vann. Báða leikina. Örugglega.

Á laugardeginum fór Halla mín í IKEA og ætlaði að kaupa hnífa og barstóla. Keypti það reyndar ekki en náði samt að vera þar í fjóra tíma og kaupa fullt af öðru. Fór síðan á sunnudaginn með Höllu (algerlega gegn mínum vilja) og keyptum skrifborð og barstóla og fleiraogfleira. Komst að því að það var alls ekki svo hræðilegt að fara í IKEA og ég hefði geta sleppt því að væla einsog smákrakki.

Frábær ferð en Jón er sybbinn

/JFK

Barstúls anyone?

2007-06-28T08:05:00.000Z

Þetta er undarlegur andskoti. Ég er farinn að hrynja útaf tengla listum hjá vinum og vandamönnum, wulfmorgenthaler er hættur að senda mér "daily comic strip" og eini tölvupósturinn sem ég fær er rusl. Fólk er farið að læsa bloggsíðunum sínum og mbl.is er nánast það eina sem ég get stólað á.

Mér líður eins og ósýnilega manninum á netinu sem vissi ekki að hann væri ósýnilegur.

En nóg um það. RVK er það heillin og það verður lagt íann í dag ettir vinnu. Framundan er matarboð, ferð í IKEA að kaupa barstóla og þjóðarbókhlaðan. Held að þetta verði helv gaman því það er langt síðan ég hef farið suður og verið í einhverja daga.

Reyndar er margt sem að ég þarf að græja í dag en hey! Ég vinn best undir pressu.
Það er reyndar lygi, ég kikkna auðveldega undan álagi. Við sjáum hvernig þetta fer.

/JFK

Rannsóknarferð

2007-06-26T11:15:00.001Z

Skjótt skipast veður og það allt saman.

Haldiði að Jón sé ekki bara sennilega á leiðinni suður um helgina. Það er allt útlit fyrir það. Er reyndar ekki skemmtiferð þar sem að ég og frúin erum að fara á þjóðarbókhlöðuna að verða okkur út um frekari heimildir fyrir ritgerð. En bæjarferð engu að síður.

Spurning um að kaupa sér skó.

anywhoo. Strax kominn þriðjudagur og allt að gerast. Verið að selja flísar fyrir margar milljónir og víla og díla.

/JFK

Johnny's little helpers

2007-06-25T09:18:00.000Z

ooooohhh hvað Jóni litla langar í 40"lcd sjónvarp og playstation3 tölvu. Langar svo mikið í það að ef að ég ætti börn myndi ég senda þau út á vinnumarkaðinn til þess að standa undir afborgunum. Neinei, ég myndi aldrei gera það. Samt pínu.

Úff hvað það er flott mynd í þessu.

Anywhooo, helgin liðin og vinnuvikan byrjuð og ekkert nema gott um það að segja. Ætla að henda mér á Bjarg eftir vinnu og hafa það svo gott í kvelle. Svo er stefnan sett á bíó í vikunni þar sem að John "jíbbikayeimotherfukker" Mclain er að koma. Ég er nefninlega búinn að ákveða það að láta ekki auglýsinguna sem nefnd var í fyrri pistli eyðileggja fyrir mér þessa skemmtun.

Wellster,
/JFK

Hey Jude, enough already...

2007-06-23T10:46:00.000Z

Laugardagur og ég í vinnunni. krapp!

Rólegt kvöld með eindæmum í gær. Konan búin að vera veik og við vorum heima, elduðum góðann mat og horfðum á sjónvarpið. Svo fór konan að sofa en ég hélt áfram að horfa. Á Gataca. JésúsPétur.

Einhvernveginn gat ég ekki hætt að horfa. Mig langaði að hætta. Ég gat það bara ekki. Síðustu tvær myndir sem að ég hef séð með Jude the hunk Law hafa verið "Gataca" og "The Holiday". Tvær virkilega slæmar myndir en það virðist vera í lagi því (and I quote every female in the world) "Hann er svo sætur". Common!

En það eru líkur á því að ég fari og spili playstation3!! í nýju 40" LCD sjónvarpi í kvöld þannig að ég er hamingjusamur.

vona að þið séuð það líka

/JFK

Am I my parent's car keeper? yes I am

2007-06-21T10:55:00.000Z

Styttist í helgi og það er rigning. Viðbrögð mín við regninu komu mér á óvart, mér fannst bara fínt að fá pínu rigningu. Kom mér á óvart segi ég því vanalega þoli ég ekki þegar það rignir.

Ma og Pa flugu til úgglanda í gær og ég á að passa að ekkert komi fyrir bílinn þeirra. Besta leiðin til að passa það er að sjálfsögðu að vera sem mest í honum.

Die Hard er að koma í bíó sem er gott. Ég er hinsvegar næstum því á því að sjá þá mynd ekki vegna einnar auglýsingar. Umrædd auglýsing er þannig að ég fer í vont skap bara við það að sjá hana, eða eins og Jói Tönn myndi orða það "ég tryllist". Ég er að sjálfsögðu að tala um dominos auglýsingarógeðið með gaurnum og "búktalarabrúðunni" Ég stífna hreinlega upp og froðufelli þegar ég heyri "Die hard, mega hard"
Öfgakennd viðbrögð? kannski.

/JFK

Með V8 eldflaug á milli lappana

2007-06-18T08:36:00.001Z

Auðvitað á að banna það að 17.júni beri upp á sunnudegi, a.m.k. á þá að gefa frí á mánudegi þegar að sú staða kemur upp.
En þessi helgi var hin skemmtilegasta. Ekki var farið í ammæli en það var farið í póker. Og lögreglan kom ekki og leysti spilið upp. Fór í sjallann á laugardeginum og skemmti mér konunglega.

Sunnudagurinn fór í bílasýningu og miðað við suma fákana þar þá hefði ég bara átt að bóna carinuna og bakka henni þarna inn. Gullfallegur bíll með 2.0 lítra vel og hefði átt meira erindi þarna en nokkrir aðrir.
En það var líka mótorhjól með V8 vél sem mér fannst helvíti töff. Mun stærri vél en í carinu komið fyrir á mótorhjóli, gaman að þessu. Hjólið hét líka því skemmtilega nafni Boss Hoss.

Um kvöldið var svo tekinn göngutúr um miðbæinn og þar hitti maður fjöldan allan af fólki.

Í heildina litið var þetta fínasta helgi

Blogg á dag

2007-06-14T14:52:00.000Z

Það held ég, báðir lesendur búnir að commenta og hreinlega öskra á meira. Verst að ég hef ekki mikið að segja en ég bulla eitthvað, have no fear.

Hitti einn af mínum betri félögum í bænum í dag og fékk glaðning. Mikið afskaplega er gaman þegar að svona gerist. Maður á ekki von á neinu og hvissbamm, orðinn einni gjöf ríkari.

Helgin framundan og ein af mínum uppáhalds mágkonum á afmæli á morgun. Kannski verður ammælisveisla á laugardaginn en tjellan er að koma frá spáni (aftur með litlu essi) og verður kannski þreytt. En það er enginn afsökun, það er hægt að sofa seinna.

Ég er harðákveðinn í því að fara á bílasýninguna 17.júni þar sem að ég er ekki að vinna. Þetta var tilgangslaus yfirlýsing.

anywhoo,
/JFK

Laddi vissi hvað hann söng

2007-06-13T08:11:00.001Z

its alive.....
það held ég nú yessiríbob! Ekki mikið búið að vera að gerast á þessari síðu og skömm að því hreinlega.

En ég fór til spánar um daginn sem var veryvery nice. Svo kom ég heim og fór að vinna sem var ekki jafn nice. Á spáni er nefninlega gott að djamma og djúsa. Anywhoo.
Keypti mér skó á spáni and thats about it. Konan keypti hinsvegar "aðeinsmeira" og ég fékk þau skilaboð að ég ætti að "pakka létt" sem basically þýddi að ég mátti taka með mér einar stuttbuxur og tvo boli. En þetta var spánn og ég nánast nakinn allann tímann þannig að það kom ekki að sök.

(það skal tekið fram að spánn er skrifað með litlu essi því að ég nennti ekki að gera stórt ess)

En kraftaverkin gerast enn og eitt af þeim var að ég fór á bjarg í fyrradag til að æfa. Og í gær fór ég að hjóla. Kraftaverkin semsagt í hrönnum.
En nú er átakið "Sjá tólin fyrir jólin" (þarna nennti ég af einhverjum ástæðum að gera stórt ess) er komið á fullt og vonandi að þetta takmark náist.

Hef þetta ekki lengra í bili, en ef að báðir lesendur þessarar síðu kíkka enn hérna inn þá skrifa ég sennilegast aftur

/JFK

4.ár búið, það 5. framundan

2007-04-11T10:10:00.000Z

Jæja lömbin mín, páskarnir komnir og farnir. Ekki léttist ég mikið á meðan þeim stóð en það er enn tími til að skera niður bumbu áður en haldið verður til spánar svo örvæntið ekki.
Þetta voru sérlega ánægjulegir páskar í ár. Atli bróðir kom með frumburð sinn sem er einstaklega vel heppnaður. Farinn að tala á fullu og vinsælustu orðin voru auðvitað "spægilpylsa" og "húsvíkingur". Auðvitað.

Allar einkunnir eru komnar í hús og allt útlit fyrir að ég komist á 5.ár án vandræða. Sem er gott. Svo þarf maður að ákveða hvað maður ætlar að gera þegar maður er orðinn stór, sem er ekki jafn gott.

Var að horfa á kastljós í gær þar sem stjórnmálamenn voru að rífast um hver ætti að fá að stjórna landinu eftir kosningar í vor. Sumir stóðu sig vel, aðrir ekki og ef satt skal segja sótti að mér smá kvíði fyrir þeim möguleika að ákveðnir einstaklingar skuli hafa möguleika að fá þau völd sem felast í stjórn þessa lands. Á stundum var þetta barnalegt og hálfgerð öskurkeppni.
En vonandi fer þetta allt saman vel og ef ekki þá er alltaf restin af heiminum sem maður getur flúið til. Ástralía hljómar vel.

En núna tekur við ritgerðarvinna en ég myndi einnig þiggja launaða vinnu þar sem að skólinn er búinn fáranlega snemma þetta árið. Þannig að ef að vantar nautsterkan, bráðmyndarlega, ótrúlega vel gefinn og duglegan mann í vinnu einhverstaðar hafiði samband. Og ef ég finn engan svoleiðis er ég alveg til í að fylla skarðið.

/JFK

ammili

2007-03-27T19:15:00.000Z

Dagurinn í gær liðinn og var fyrir margar sakir merkilegur. Merkilegasta sökin var þó án alls efa afmælið mitt. Ég klökkna hreinlega þegar ég lít á símann minn og sé hversu margir mundu eftir þessu, þeim kann ég miklar þakkir fyrir.
Dagurinn var góður, meira að segja mjög góður. Til að byrja með einkenndist hann af lærdómi og skattaskýrsluskilum sem er kannski ekki ideal leið til að skemmta sér á afmælisdaginn. En hann skánaði og ég fékk fáranlega flotta gjöf frá minni heittelskuðu, hún er klikkuð en ég elska hana.
Aðrar gjafir voru einnig frábærar og ég þakka kærlega fyrir mig.
Dagurinn endaði svo á því að ég og Halla mín og Jói minn fórum út að borða á bautann og fengum okkur pizzu. Svakalega góðar pizzur. Svo var elskuleg mágkona mín Helena búin að búa til eftirrétt sem að við skelltum okkur í. Reyndar var hún búin að klára ca helmingin af honum sjálf en hann var svo góður að það er ekki hægt að áfellast hana fyrir það.

En ég þakka enn og aftur fyrir mig
/JFK

Skinku helgin mikla

2007-03-26T10:31:00.000Z

Fín helgi afstaðin. Rólegt föstudagskvöld sem var fylgt eftir með ágætum laugardegi. Ég og Halla mín og Jói minn vorum boðin í mat til mömmu og pabba í bayones(hefekkihugmyndumhvernigþettaerskrifað) skinku. Mjög gott. Svo var ég boðinn í mat til tengdó á sunnudaginn í bayones(sjáfyrrisviga) skinku. Mjög gott.

Annars var farið í póker á laugardagskvöldið. Virkilega skemmtilegt og við vorum að til að ganga þrjú. Dr.Doddi var á svæðinu og kom að sjálfsögðu með. Gaman að sjá drenginn en hann var full sleipur spilari og ég held að þetta "ég hef aldrei spilað áður" kjaftæði hafi verið kjaftæði. Náði allaveganna að skilja eftir sig stærsta pottinn.
Siggi Reynir stóð hinsvegar undir nafni, hann Reyndi, hann klikkaði. En stórskemmtilegt kvöld og ég væri til í að endurtaka þetta.

En framundan er síðasta kennsluvikan í skólanum og best að vera svoltið duglegur.

eigiði góðan dag lömbin mín
/JFK

awfull movie man, woooffffff!!!

2007-03-23T08:28:00.000Z

Það er runninn upp föstudagur. Sem er frábært. Þessi vika búinn að líða hraðar en hratt og það er bara fínt.
Fór í bíó í gær. Skemmst frá því að segja að ég stóð upp og labbaði út. Vúffff! þetta var slæm mynd. Að öllu leyti. Ég óska ekki versta óvini mínum að sitja undir þessu. Í alvöru talað. jésúspétur.

En helgin framundan og ég að vinna. Skattskýrslan verður kláruð í dag og svo verkefni í vinnurétti sem skila á á þriðjudag. Svo er næsta vika síðasta vikan í skólanum. Þarf reyndar að vinna í mastersritgerðinni en það ætti að vera gaman þar sem að eg hef áhuga á því sem að ég er að fara að gera.

Ekki mikil plön en spurning um pókerspil ef að það finnst mannskapur í það.

well, gleðilegan föstudag
/JFK

Kappaflingflin

2007-03-19T10:48:00.000Z

Jæja, árshátíð Kaupþings komin og farinn. Boy o boy. Ekki kom minn maður John Cleease. Laddi lék hann í staðinn og var fyndinn. Rollingstones og Bítlarnir létu ekki heldur sjá sig.

En mikið djöfull var þetta samt skemmtilegt. Góð skemmtiatriði og maturinn til að drepa fyrir.

Lenti í pínu rimmu við öryggisvörð sem var 1.55 á hæð og ca 35 kg vegna þess að ég mátti ekki leggja hendina á Astin Martin Db9 bílinn sem var þarna. Samt var ljósmyndarinn að segja mér að gera það þannig ég var á milli steins og sleggju. Ákvað síðan að láta slag standa þar sem að ljósmyndarinn var mun líklegri til að lemja mig í mauk en öryggisvörðurinn. En þetta slapp fyrir horn og allir glaðir.

Svo var náttúrulega skíta veður í gær og holtavörðuheiðin lokuð. Þá var gott að geta bara stokkið uppí vél og láta fljúga sínum dekraða rassi heim. Goodtimes.

En þessi árshátíð ætti að vera viðmiðunarmark allra hinna. Svona á að gera þetta, ekkert flóknara en það.

En ég ætla að halda áfram með verkefni sem ég þarf að skila á morgun.

/JFK

what what in the butt

2007-03-15T10:17:00.000Z

Nýr áfangi hafinn og það gleður mig að segja að kennarinn er snillingur. Alltaf gaman að því þegar að kennarar segja "þetta eru lögin, svo skulum við leika" Anywho....

Eins og margoft hefur komið fram þá er árshátíð um helgina. Ég stefni af því tilefni suður á morgun og er orðinn nokkuð spenntur. Ætla að spila ps2 í nýja 42"plasmatækinu hans Robba þangað til ég fæ blóðnasir eða flogakast.

En nú er ég að tækla verkefni í vinnurétti, berjast fyrir launahækkun nafna míns þannig að ég legg extra hart að mér.

Annars hitti ég Geira minn um daginn og við sátum og vorum að spjalla með Jóa mínum. Það var verið að hlusta á tónlist úr tölvunni og alltíeinu segir geiri að ég eigi að fara á youtubue og fletta upp "what what, in the butt". Það þurfti aðeins að sannfæra mig en ég lét undan. Holycrap! held að það sé best að hver dæmi fyrir sig en þetta er endalaust fyndið.

hagið ykkur lömbin mín
/JFK

eitt próf, eitt verkefni og svo fullt annað

2007-03-08T23:05:00.000Z

jáwsa
þessi dagur var busybusy. Fór í skólann að læra kl átta eins og ég hafi aldrei gert annað. Tók svo eitt pínulítið 50% próf í erfða og sifjarétti eins og ég hefði gert allt annað. Tók svo pínu pásu til að borða. Fór síðan á við þriðja mann að gera verkefni sem náðist reyndar að massa á góðum tíma, enda gott fólk að verki.
Heyrði í ragga mínum sem var gaman.
Er kominn heim og í slopp með einn kaldann mér við hlið, hoppiðiuppíykkur ég á það skilið.

Verð samt aðeins að commenta á það sem ég sá í fréttablaðinu. Einhver konan ætlar að kæra útgáfu bæklings sem gefinn var út vegna einhvers húppla sem er í smáralind. Nema hvað að þar sést ung stúlka á forsíðunni og gott ef hún er ekki í háhæluðum skóm. Ósköp saklaus mynd hvað mig varðar en nei, það er víst hægt að sjá klám útúr henni. JésúsPétur. Eitthvað þarf að endurskoða þessa siðferðiskennd okkar ef að þetta er orðið klám. Ætli það sé ekki best að við setjum dresscode á þetta. Stelpur verða að vera í flatbotna skóm, víðum fötum og ef þeir voga sér að mála sig á að beita viðurlögum.
Í alvöru talað, er þetta ekki of langt gengið?

well, ætla að leggja loka hönd á þetta verkefni, snyrta það til og gera það all pretty and nice

/JFK

Geta pabbar líka grátið?

2007-03-06T11:08:00.000Z

okei, alltílæ
það er varla hægt að minnast ekki á xfactor um helgina. Allir að stríða umboðsmanni Íslands vegna þess að hann lét nokkur tár falla. Voru kannski ekki nokkur, voru kannski bara mörg. En mér fannst þetta bara krúttlegt. Og það að þáttastjórnandinn hafi varla getað klárað þáttinn sökum ekka finnst mér líka bara krúttlegt. Ég flissaði samt eins og smá stelpa þegar þetta var í gangi en ég kenni sjokkinu um það.

Það styttist í árshátíð Kaupþings en hún verður 17.mars, fyrir sunnan. Miðað við gæði undanfarin ár þá verð ég virkilega svekktur ef að Elton John, Rolling Stones og Bítlanir verði ekki með skemmtiatriði. Og ég vil fá John Cleese sem veislustjóra. Hlakka mikið til að sjá hvort að þeir nái að toppa enn eitt árið.

En ég er að lesa erfðarréttinn sem er góð skemmtun. Man ekki hvort að ég hafi rætt um kaupsamninga og skilnaði á blogginu og ef svo er þá biðst ég afsökunar því ég ætla að gera það aftur. Ef ekki þá biðst ég ekki afsökunar.
Ef fólk kemur til mín þegar ég verð búinn að stofna mitt firma (sem verður með skrifstofur í 9 löndum) og biður mig um ráð vegna yfirvofandi skilnaðar verður svar mitt einfalt. Ekki gera það. Ekki skilja. Noway nohow. Man o man hvað þetta getur verið flókið, ekki séns að ég nenni að standa í þessu. En það segir meira um mig heldur en þau.

Well, styttist í mat
/JFK

couchpotato

2007-03-02T11:39:00.000Z

Jæja lömbin mín, föstudagur.
Ég fór í skólann í gær og það er skemmst frá því að segja að ég var eins og fiskur á þurru landi. Skilningurinn fór þó að aukast eftir því sem að leið á og þetta fer vonandi allt vel. Þökk sé góðum bekkjarfélögum þá er ég með glósur úr þeim tímum sem ég missti af og ekki veitir af.

En ég er semsagt kominn á ról sem er gott. Helgin framundan verður með rólegasta móti og það er líka gott.

Ég stend sjálfann mig að því þessa dagana að langa alveg afskaplega mikið í algjöran óþarfa. Mig langar til að mynda í nýtt sjónvarp (þrátt fyrir endalausa ást mína á núverandi sjónvarpi). Mig langar í 42"flatskjá. Mig langar líka í nýja fartölvu. Sú sem að ég notast við núna framleiðir meiri hávaða en Airbus380 í takeoffi. Og síðast en ekki síst þá langar mig í playstation3.

Ef að ég myndi láta verða af því að fá mér eitthvað af ofantöldu yrði það sennilega til þess að ég myndi hætta í skólanum. Ég myndi ekki mæta til vinnu heldur vera heima límdur fyrir framan þetta allt saman. Þannig að þetta er kannski ekkert sniðugt. En ég væri hamingjusöm sófakartafla.

góðahelgi
/JFK

hor, hálsbólga, hiti og almennur slappleiki

2007-02-28T15:12:00.000Z

Jæja það er kominn miðvikudagur og ég hef ekki enn sett mark mitt á þessa viku. Ástæða þess er einfaldlega sú að ég ákvað að ná mér í flensu. Eins og allir sannir karlmenn verð ég eins og ungabarn þegar ég er veikur. Ég væli og kveina og vorkenni mér afskaplega mikið.

Nú horfir þetta hinsvegar til betri vegar og ég sé fram á að vera á meðal fólks jafnvel á morgun, sem er gott því ég er búinn að horfa á allt það DVD sem að ég gat fundið hér í Casa del John, þar með talið myndir sem teknar voru útá kanarí um jólin og búið var að brenna á disk. Allt er hey í veikindum.

En þetta verður frekar stutt vika, bara fimmtudagur og föstudagur en eiginlega bara fimmtudagur því það er ekki skóli á föstudögum. Merkilegur andskoti.

Annars hef ég verið að hlusta á Grace Kelly sem flutt er af Mika sem er snillingur. Hef líka verið að hlusta á Holly Dolly sem að mér fannst fáranlegt lag fyrst þegar ég heyrði það. En þökk sé Geira súkkulaðisætafótboltastrák er ég búinn að taka þetta í sátt og líkar vel. Finnst ég samt vera svoltil stelpa þegar ég hlusta á það en anywhoo.

En þar hafið þið það, ætla að fara að snúa mér aftur að skilnaði Jóns og Gunnu og athuga hvort að ég geti ekki tryggt að Gunna fái að halda hrossunum

/JFK

Ekkert klám hér takk fyrir takk... og afmæli!!

2007-02-22T14:52:00.000Z

Nú er það ljóst að engin klámráðstefna verður haldin hér á landi. Ráðstefnugestum var neitað um hótelgistingu og einhverjir halda því fram að lýðræðið hafi með því sama sigrað.

Þessu er ég ekki sammála. Nú eiga eflaust ýmsir eftir að stimpla mig heitan stuðningsmann klámefnis og þess háttar siðleysu. Svo er ekki. Þessi skoðun mín lýsir á engan hátt stuðningi við þessa iðju sem ráðstefnan stundar.

Það atriði sem mér finnst merkilegust er framkvæmdin á þessu öllu saman eða umræðan öllu heldur. Stjórnmálamenn hafa krafist þess að þessu fólki verði meinaður aðgangur til landsins og málið hefur ratað inná hið háa Alþingi þar sem aðgerða var krafist. Ég spyr sjálfan mig hvort að þetta sé eðlilegt. Ég man ekki betur en þegar að falun gong meðlimir reyndu að komast hér til lands voru sumir hverjir settir á svartan lista upphófust hróp og köll og eitthvað var minnst á mannréttindarbrot.

Hver er munurinn á þessum tveimur tilfellum? Í öðru tilvikinu var um að ræða fólk sem að meirihluti landsmanna hafði samúð með en hinu ekki. Hafa verður í huga að ráðstefnugestir höfðu ekki gerst sekir um brot hér á landi. Þeim var gert ókleift að koma hingað á grundvelli þeirrar iðju sem þeir stunda.

Hvernig væri að fara alla leið og meina múslimum aðgang. Sumir þeirra fremja hryðjuverk.
Ég tel mjög vafasamt að þessi leið sé farin. Ég veit ekki hvernig fólk brygðist við því að vera meinað að fara til Spánar vegna þess að við íslendingar stundum hvalveiðar en sú iðja okkar er ekki vel liðin af öllum og raunar fæstum.

Hér voru siðferðisleg sjónarmið látin ráða og öll önnur umræða eða rök virt að vettugi.

Ég tel skynsamlegra að aðilum sé refsað fyrir þau brot sem þeir fremja frekar en að refsa þeim fyrir þann möguleika á að þeir gerist brotlegir, eða erum við hætt við að halda í heiðri, "saklaus uns sekt er sönnuð"?

Ég vil að lokum ítreka að í þessari "stuttu" ritgerð felst á engan hátt stuðningur við klám eða þessa ráðstefnu sem fram átti hér að fara. Í raun finnst mér algert aukaatriði hverskonar ráðstefnu um er rætt, mér fannst þetta mál fá vafasama afgreiðslu.

Þar sem að þetta er frá þá er komið að stórfrétt dagsins. Halla mín á afmæli!!! Ég á eftir að gefa henni pakkann, ekki eftir að kaupan, bara eftir að gefa henni hann. Aðeins að stríða afmælisbarninu því hún er ekki sú þolinmóðasta.

Til hamingju með daginn ástin mín

/JFK

þorri blótaður

2007-02-13T15:18:00.001Z

Tíðindalítið, allt að því laust.

Er að fara í mitt fyrsta munnlegapróf á fimmtudaginn, jésus pétur. Það verður fróðlegt.

Þorrablótið var skemmtilegt. Ég borðaði hákarl, sem ég var búinn að sverja að ég myndi ekki gera og tók eitt staup af brennivíni, sem ég ætlaði mér heldur ekki að gera. Ég hef afskaplega lítið bein í annars óvenju stóru nefi. Anywho. Þetta endaði allt saman á rólegu nótunum, ég og jói heima að spila playstation. good times.

Annars er möguleiki á því að ég þurfi að skreppa suður fljótlega, kemur í ljós á næstu dögum hvort að samningar náist. Langt síðan ég hef farið í rvk og er farið að langa pínu að kikka í borg óttans.

/JFK

þorri blótaður

2007-02-13T15:18:00.000Z

Balance has been restored

2007-02-08T08:33:00.000Z

Über fína og flotta sjónvarpið mitt er komið aftur á sinn stað, betra og fallegra en nokkru sinni fyrr. Það kom mér á óvart hversu glaður ég var í hjarta mínu að sjá þetta silfraða kvikindi endurheimta hásæti sitt sem þungamiðja stofunnar í annars lítillri íbúð minni.
Mitt fyrsta verk var að sjálfsögðu að tengja PS2 tölvuna mína við þennan gamla kunningja sinn og taka prufukeyrslu. Ég get því róað æsta lesendur mína á því að tengingin tókst fullkomlega og það var spilað langt fram á nótt með góðum árangri. Því líkur þessu martraðar tímabili í lífi mínu og er það Gumma rafeindarfræðingi að þakka, og BiggaPé fyrir að benda mér á hann.

En talandi um spil.

Ég fór í póker í vikunni sem var góð skemmtun, meira að segja mjög góð skemmtun. SiggiRún er stoltur eigandi af pókerborði og spilapeningasetti sem vegur 14.5kg. Það er alvöru. Þetta 11.5kg sett sem að kallaklúbburinn spilaði með forðum daga er semsagt bara svona byrjanda. En ég get örugglega fengið þetta lánað og kallaklúbburinn því staðið undir nafni, ekkert byrjanda pókersett á okkar fundi framar.

En Ragnar Mógull Aðalsteinsson hefur sett fyrir sex bls ritgerð/verkefni um þrískiptingu ríkisvalds. Því sit ég hér sveittur að lesa mér nánar til um það og ætla að reyna að klára þetta af fyrir helgi því að um helgina er: Vinna eins og venjulega
Þorrablót hjá tengdó

Ég kem að sjálfsögðu ekki til með að borða neinn þorramat og ætla að mæta í jakkafötum (á meðan aðrir mæta í lopapeysu) og drekka koníak ((sem ég drekk ekki) á meðan aðrir drekka íslenskt brennivín)). Ég ætla líka að vera með feitan vindil (ég reyki ekki)

Hefði ég getað komið fleiri svigum fyrir í þessari færslu? Svarið við þessari spurningu fæst kannski aldrei....

l8er
/JFK

No TV makes Jón go crazy....

2007-02-05T15:07:00.000Z

Hér sit ég í tíma hjá Ragnari Aðalsteins, einum mesta lögfræði mógul Íslands og velti fyrir mér hvað gæti mögulega toppað þetta. "Bloggfærsla" hugsaði ég með mér, "langt síðan ég hef bloggað" Eftir smá umhugsun komst ég að því að þetta var alveg rétt, það er langt síðan ég hef bloggað. Ég hef hreinlega ekki nennt því.

Baugsmenn sýknaðir í baugsmáli, en það er samt rétt að byrja. Guðmundur í byrginu búinn að skíta uppá bak og það mál eins og það er. Hæstiréttur að milda dóm yfir barnaníðingi og Írak hefur aldrei verið í verra ástandi.

Af mér er hinsvegar gott að frétta. Skólinn gengur sinn vanagang og blablabla.

Eitt stendur þó uppúr.

"The big brake down"

Mitt ástkæra Thompson Scenic über-æðislega sjónvarp tók uppá því að taka sér frí. Ég kom heim og ætlaði að horfa á leik Íslendinga og Spánverjadjöflanna og hafði ekki hugmynd um að sjónvarpið mitt hafði ákveðið stuttu áður að nú væri komið nóg. Ég kveiki semsagt á því og það heyrðust smellir, kom pínu blossi og svo reyk lykt.

Og það var það.

Ég mátti semsagt labba inní svefnherbergið og ná í pínulitla fermingarsjónvarpið hennar Höllu minnar og tengja það. Ég var pirraður.
Nei það er lygi, ég var ekkert pirraður, ég var reiður. Í fyrsta skipti í langan tíma var ég reiður og það var skrítið því ég var eiginlega ekki reiður við neinn en var samt voða reiður.

En ég fór með sjónvarpið til læknis og fékk þær fregnir í dag að líðan þess er stöðug. Mín bíður 14.000 kr. reikningur og sjónvarp sem hefur öðlast lífslöngun á ný.

Það þarf ekki að fara mörgum orðum um hvað hefði gerst ef að playstation2 tölvan mín hefði ákveðið að fylgja fordæmi sjónvarpsins. Það hefði eitthvað flogið útaf 3. hæð, annað hvort ég eða sófasettið.

En svona er þetta
/JFK

Kanariiiiiii

2006-12-25T17:49:00.000Z

Wehehehlllll
er á kanarí og life is good. bara búinn ad vera kýldur einusinni en ég og scott (kallinn hennar kollu) nádum honum vel aftur og hann lítur verr út í dag enn ég. Búìd ad vera eins gott og tad getur, sól og sumar en smá vindur. svipad og heima skilst mer samt hehehe

sidasta profid for vel tannig ad tetta verdur ekki svakaleg gedveiki tegar eg kem heim.

annars komum vid halla min heim tann 29 nordur tann 30 tannig ad ef ad tad eru einhverjir sem lesa tetta blogg sem vilja njota okkar naerveru ta tarf ad stadfezta tad a tessu bloggi, nanar tiltekid i commentum

en nu er timinn buinn og eg er farinn i solinna

vííííííí
jfk

Rock and a hard place = Me

2006-12-05T14:39:00.000Z

Kanarí maður lifandi. Þetta er að bresta á. Bara eitt pínulítið 100% próf sem þarf að klára og svo er ég farinn. Holy crapp hvað ég hlakka til. Kanarí. Ekki prófsins.

Það er því fátt annað sem kemst að en lærdómur þessa daganna. En fyrir vikið eru dagarnir fljótir að líða, of fljótir miðað við hvað það er stutt í próf, of lengi miðað við kanarí. Þetta kallast að vera á milli steins og sleggju. Hlakka til útlanda, hlakka ekki til prófsins.

En nóg um það.

Er að fara í klippingu og það hefur ekki verið þrautalaust að muna eftir því. Var hinsvegar búinn að fá þrjá aðila til þess að minna mig á þetta og nú þegar innan við klukkutími er í tímann (klippitímann) er ég vongóður um að ég komi til með að muna þetta.

En í millitíðinni ætla ég að fræðast um þinglýsingar, veðbækur og þinglýsingabækur.

góðar stundir
/JFK

Jólamánuðurinn að renna upp

2006-11-30T14:35:00.000Z

Þá er desember að renna upp, á morgun non the less. Dagurinn 1.des er merkilegur að mörgu leyti en þó merkilegastur fyrir það að við Halla mín byrjuðum saman á þeim degi fyrir fjórum árum. Það held ég nú, fjögur ár.

Annars verða næstu dagar lagðir undir lærdóm sem lýkur með prófi þann 12.des. En þá er mjöög stutt í kanarí og ég get slakað á.

En á morgun er "löglegt" að skreyta, spila jólalög og það allt saman og það finnst mér fínt. Ég vil hafa jólin eins jólaleg og hægt er. Það eiga allir að vera góðir og glaðir og það allt. Burt með fýlupokana segi ég.

/JFK

Suður og tilbaka á núllníu

2006-11-27T20:32:00.000Z

Ekki léttist ég um þessa helgina, það er ljós. 2 jólahlaðborð og hvort hinu betra. Þrælgaman á föstudagskvöldið með kb-banka, góður matur en ég var ekki lengi. Það er vegna þess að ég er skynsamur strákur og átti flug kl: 10 á laugardagsmorgun.

Fór semsé suður og vann í dressmann laugarvegi. Ný búið að breyta og breytingarnar heppnuðust vel. Flott búð og brjálað að gera.
Svo var farið að borða á Kaffi Rvk og þar var maturinn ekki síðri. Var orðinn frekar þreyttur og ætlaði að tölta heim í fyrra fallinu en óviðráðanlegar orsakir breyttu þeim plönum. Allt fór þó vel að lokum og ég svaf bara helv... vel á fínu gistiheimili sem okkur var reddað.

Hitti síðan Ragga minn og gerðum við ítrekaðar tilraunir til þess að fá fleiri með okkur án árangurs.

En ég á að vera læra en ekki blogga, frekar en venjulega. Konan yfirgaf mig og fór að horfa á gray's þannig að tjallinn situr og lærir heima hjá sér og líkar vel.

farwell allesamen

/JFK

Nánast í fríi um helgina

2006-11-24T09:33:00.001Z

Föstudagur hvorki meira né minna. Þessi vika er búin að þjóta hjá og maður hefur varla tíma til þess að anda. Búið að vera nóg að gera í skólanum og endalausar dómareifanir sem að þarf að eyða drjúgum tíma í.

En framundan er helgi sem er sérstæð að mörgu leyti. Ég er fyrir það fyrsta ekki að vinna. Þetta er reyndar lygi. Ég er að vinna. En ég er ekki að vinna á akureyri. Ég fer suður á laugardagsmorgun og verð að vinna í dressmann á laugarvegi. En ég er ekki að vinna á sunnudaginn. Og það hefur ekki gerst síðan einhvern tíman í sumar.

Ég er að fara á tvö jólahlaðborð. Eitt í kvöld í sjallanum með KB banka. Annað á morgun einhverstaðar í rvk með dressmann.

En þetta er eins og það á að vera ennþá. Spurning hvort að þessi áfangi verði jafn blóðugur og sá síðasti. It wasnt pretty people.

/JFK

Laugardagur, Laugarvegur, Laugarsomething

2006-11-20T20:53:00.000Z

Nýr áfangi hafinn, eignarréttur. Spennandi tímar framundan ég segi ekki annað.

Brá mér í föðurhlutverkið um helgina og það gekk með þessum ágætum líka. Bökuðum pizzu og horfðum á video og krakkarnir höguðu sér svona vel. Það mætti segja mér að kallinn eigi eftir að plumma sig ágætlega þegar og ef erfingi kemur. Hann þarf samt ekkert að flýta sér.

Horfði á X-factor á föstudaginn. X-factor er eiginlega Idol nema með gömlu fólki.

Kanarí er komið á hreint, búið að bóka miða og íbúð og bara beðið eftir að 20.des renni upp. Sjiturinntitturinn hvað það verður gaman. Hlakka afskaplega mikið til að hitta systkin og maka og barn.

Um næstu helgi verður svo farið suður. Dressmann litlu jól með öllu tilheyrandi. Flýg á laugardagsmorgun og verð að vinna á laugarveginum þar sem verið er að opna eftir breytingar. Hvet því alla sem vettlingi geta valið til þess að drífa sig á laugarveginn á laugardaginn og hitta JónJón.

Well thereyougo
/JFK

Jóla hvað? Jóla það!

2006-11-16T09:14:00.000Z

Maður má ekki veikjast þá snjóar bæinn í kaf. Jeddúddamía eins og maðurinn sagði. Það munar ekkert um þennan snjó, og það bætir enn í.

Þessvegna hef ég tekið ákvörðun. Ég ætla að fylgja fordæmi ZiggaPé og koma mér í jólaskap. Um helgina verður keypt jólaskraut (á ekkert solleiðis nebblega) og íbúðin skreytt. Ég er núna á bókasafninu að lesa OG hlusta á jólalög. Ég ætla að kaupa meira malt og appelsín og blanda (því það eru jól). Svo ætla ég að plata Höllu til að baka piparkökur (það er jólalykt).

Ég ætla EKKI að vera fýlupúki og væla yfir því að þetta og hitt sé of snemmt. Jólin eru að koma people og það er eins gott að búa sig undir það.

Nú er semsagt málið að rífa fram jólalögin, henda upp seríum og safna að sér jólaskrauti...

þaðheldégnú
/JFK

Playstation vs djamm?

2006-11-14T14:11:00.000Z

Er heima, hálf slappur eitthvað. Ekki gaman. Finnst akkúrat ekkert gaman að hanga svona.

En helgin var góð. Dressmann fór í ljós og gufu í tungusíðu og svo út að borða á parken. Fámennt en góðmennt og kvöldið hin besta skemmtun. Var samt kominn snemma heim og mætti Höllu minni á leiðinni út. Hún kíkkti niður í bæ og var kominn heim um þrjú. Og haldiði að kallinn hafi verið sofnaður þá? neisiríbob, ég var í playstation alveg þangað til að konan kom heim, er hægt að biðja um það betra?

En ég hef verið að spá í að fara suður í vikunni til þess að vinna aðeins í mastersritgerð. En viti menn, sjaldan verið eins slæmt veður og síðustu tvo daga og jón ekkert að komast lönd né strönd.

Styttist í að eignarréttur byrji og það verður fínt að komast í skólann aftur. Vona að þetta verði manneskjulegur áfangi.

JFK

eeeehhhh þú ert að springa úr blóði....

2006-11-09T12:06:00.000Z

Þá er viðfangsefni masters ritgerðar komið á hreint. Sem er gott. Er ekki ennþá búinn að fá einkunn fyrir *bleep* prófið sem er ekki jafngott. En hún á víst að koma á morgun.
Fór sumsé á fund í gær og kynnti hugmyndir mínar um mastersritgerð fyrir viðeigandi aðila. Náði að selja honum hugmyndina svo vel að hann var nánast farinn að grátbiðja mig um að leyfa sér að vera leiðbeinandinn minn. Samt ekki. En eiginlega.

Í dag er svo fundur hjá Telders-teyminu. Yessiríbob geðveikin er að byrja aftur. Telders er semsagt eins og jessup (sem allir vita hvað er) nema í Evrópu. Jessup var í Ameríku fyrir þá sem eru búnir að ná að gleyma því.

Fór og gaf blóð í gær. Var búinn að vanrækja það alltof lengi og þegar búið var að stinga í puttann á mér kom í ljós að ég var að springa úr blóði. Huggulegt.
En það var tappað af mér og allt komið í eðlilegt horf.

Nóg að gera náttúrulega og enginn tími til neins af því.

kær kveðja,
meistari innihaldslausra blogga,
/JFK

Það eina sem er gott við danaveldi

2006-11-07T10:17:00.000Z

Wellwellwell
sit á bókasafninu og er að lesa í eignarétti, good times. Helgin var ljúf. Var heima á föstudaginn og rassskellti Jóa og Höllu í buzz. Fór svo á galakvöld á laugardag og það var stórskemmtilegt. Fékk viðurkenningarskjal fyrir jessup og vann í happdrætti. Ég vinn aldrei í happdrætti og þetta var því stórstund í lífi Jóns.

Svo var auðvitað unnið í dressmann og það var helv... mikið að gera um helgina.

Atli bróðir hringdi annars í mig á föstudagskv. Jólabjórinn frá Tuborg var semsagt "kynntur" kl 20:59, ekki mín. fyrr og ekki mín. seinna. Þá stukku allir barþjónar í danaveldi fram fyrir barborðið klyfjaðir bjórkössum og gáfu þeim sem vildu. Af hverju er þetta aldrei gert hér? "hey, jólabjór, gefum öllum" Svo var hægt að kaupa einn meter af bjór á 100 kall danskar (það samsvarar semsagt 11 bjórum). Af hverju er þetta heldur aldrei gert hér? "hey, shit load af bjór, seljum hann ódýrt"
Enn þann dag í dag er þetta það eina jákvæða sem ég hef fundið við danadjöflana.

Allaveganna

farið að styttast í kanarí og ég er farinn að hlakka til. Ekki það að ég verð sennilega að taka allar bækurnar út og lesa á ströndinni. Er að bíða eftir tveimur einkunnum og skilst að allir hafi *bleepað* á sig. Alltaf gaman að bíða eftir svona.

wellster,
/JFK

Forvitinn köttur er dauður köttur

2006-11-02T12:54:00.000Z

Jæja. Update.

Fór á halloween djamm á laugardaginn og það var helvíti gaman. Margir í búningum og góð stemmning.

Er í "fríi" í skólanum næstu tvær vikurnar þar sem ég á að vinna í masterritgerðinni minni. Sem væri flott. Ef ég hefði hugmynd um hvað sú ritgerð ætti að fjalla um. Er reyndar með eina hugmynd í kollinum og ætla að ræða við "stjórann" um það og athuga hvort að ég fái grænt ljós fyrir því.
Annars er það eignarétturinn sem að ræður ríkjum núna og aldrei að vita nema maður nái að lesa eitthvað fyrir áfangann áður en hann byrjar. Það yrði þá í fyrsta skipti sem það gerðist.

Fólk virðist hafa tekið eftir síðasta pistli og skilaði hann heilum fjórum commentum. Virðist vera að þeir sem commentuðu hafi allir hrapað að sömu niðurstöðu hvað "krúttlegheitin" varðar og ég ætla hvorki að játa né neita neinu í þeim efnum. Er samt forvitinn á að vita hvað Þór meinti með því hvað það þýðir þegar JFK notar orðið krúttlegt. En forvitni drap köttinn eins og allir vita.

Well, hef þetta ekki lengra og set því punktinn hér .

/JFK

No more reading, Ever.

2006-10-26T17:42:00.000Z

Ef frá er talið súrefnisleysi, hreyfingarleysi og almenn örþreyta hef ég það gott. Er staddur í fundarherbergi bókasafnsins og er furðulegt nokk búinn að lesa það sem er til prófs á morgun, fyrir utan örfá smáatriði sem ég kýs að kalla "tittlingaskít"

Ekki laust við að ég finni fyrir ákveðinni tilhlökkun vegna morgundagsins, þe eftir kl 13, ekki fyrir, alls ekki fyrir. Úff hvað ég ætla ekki að koma nálægt neinu sem heitir bók, er meira að segja að spá í að sleppa því að lesa fréttablaðið.

En hugmyndir varðandi grímuballið á laugardaginn eru að mótast, ekkert ákveðið þó. Enda hef ég engan tíma til að vera huxa um svoleiðis vitleysu, nósiríbob.

En konan mín var krúttleg í gærkveldi og kom kallinum þægilega á óvart þegar ég lak inn um dyrnar. Það er gott að eiga góða konu.

Annars er ég að svindla því ég er í tölvubanni þangað til á morgun. Það er bara vegna margítrekaðra hótanna um líkamsmeiðingar og annað verra sem ég sé mig tilneyddan til þess að henda þessum gersamlega tilgangslausa pistli inn.

Ætla semsé að hætta að kvelja ykkur með þessu og harka mig í gegnum síðustu metranna.

/JFK

Bark twice if youre in Miliwakee

2006-10-24T09:00:00.001Z

Fór á Mýrina um helgina. Stórgóð. Besta íslenska mynd sem undirritaður hefur séð og ég tek undir orð Allýar og Dodda að þessi mynd gæti jafnvel plummað sig á erlendum markaði.

Helgin var með rólegasta móti. Gerði mitt annað laxasalat um ævinna og sveimérþá ef að það var ekki bara betra en það fyrsta (ég hélt að á þeim tíma sem að ég gerði fyrsta salatið að fullkomnun væri náð og tilgangslaust væri að reyna að toppa það). En toppað var það og then some.

Vikan sem nú er hafin og lýkur á föstudaginn (þannig mæli ég vikur, mán til fös) verður sennilega einhver sú einhæfasta í minni stuttu ævi. Stórt próf á fös (lok vikunnar) og ég verð að læra fram að því. En þá tekur helgin við og það er eitthvað hrekkjarvökudæmi á laugardaginn. Einu skiptin sem ég hef "I have nothing to wear" áhyggjur eru þegar ég er að fara í svoleiðis tjútt. Sem hefur kannski gerst þrisvar á ævinni. Þannig að ég hef þessar áhyggjur ekki oft. Þetta var pointless.

Anywho, rétt að taka stöðuna, back to the bookz, the wonderfull bookz

/JFK

(það skal tekið fram að titill þessa póst hefur akkurat ekkert með þennan póst að gera, ...ekkert!)

Free Willy my %#$%

2006-10-19T22:04:00.000Z

Ég er ekki alveg að skilja þessi viðbrögð "alþjóðasamfélagsins" við þeirri ákvörðun íslendinga að byrja að veiða hvali. Það er eins og við höfum ákveðið að gera út 20.000 hvalveiði skip með það eina markmið að drepa alla þá hvali sem við komum auga á. Og ef við sjáum höfrunga eða litla sæta seli þá drepum við þá í leiðinni. Og þetta gerum við af mannvonskunni einni saman.

Nú spyr ég, hvað er svona merkilegt við að veiða þessi dýr? Persónulega finnst mér hreindýr alveg endalaust krúttleg, kálfar eru algjörar dúllur og ekki láta mig byrja á lömbunum. Það virðist samt vera allt í lagi að veiða hreindýr sér til skemmtunar, ala kálfa upp í naut og éta svo og slátra lömbun í tonna vís.

Ég á enn eftir að heyra rök sem sannfæra mig um að veiða hvali sé vont eða siðferðislega rangt. Þeir eru ekki í útrýmingarhættu en það væru sennilega einu rökin sem að ég myndi taka góð og gild fljótt á litið.

Veiðiaðferðirnar eru reyndar ekkert huggulegar en hvenær eru þær það? Að draga þorsk í net er varla þægilegur dauðdagi hvað þá að renna fyrir fisk með því að krækja í hann öngli og þreyta hann í þrjá tíma. Eigum við að finna meira til með dýrum eftir því sem þau eru stærri? Ég kaupi það bara ekki. Það sem er sennilega að pirra mig við þetta allt saman er það ósamræmi sem að mér finnst vera í þessu. Þetta er í lagi en hitt ekki og af því bara. Ég vil betri skýringar en ég hef fengið hingað til.

Hairy scary Larry

2006-10-12T14:50:00.000Z

Kominn tími á blogg, það verður ekki komist hjá því.

Atli bro og Magnus frændi voru á ak-city fyrir stuttu eins og ætti að vera ljóst þeim tryggu lesendum sem hingað koma. Það var alveg meiriháttar að hitta drengina og undir það síðasta var Magnús næstum því alveg hættur að vera hræddur við jón frænda.
Það voru nokkrar skýringar gefnar á því af hverju drengurinn sýndi þessi hræðslu viðbrögð í hvert sinn sem ég kom en vinsælust var, eins og pabbi hans orðaði það

"þú ert svo loðinn, rakaðu þig og farðu í klippingu".

Og þar hafiði það, ég er loðinn.

Ég get engan veginn tekið undir það að vera loðinn. Er ekki með stakt bringuhár, bringan á mér er eins mjúk og barnsrass. Bakið er einni hárlaust, lof sé guði. Lappirnar eru svona í loðnari kanntinum en alls engar öfgar.

Ég vil meina að drengurinn sé með afburðum vel gefinn og mikill mannþekkjari. Hann sér alveg í gegnum mig, þið hin gerið það ekki.

En nú er ég í tíma og hef þessvegna ekki tíma

/JFK

Það er allt einfalt ef þú kannt það

2006-10-04T20:04:00.000Z

Eitt próf nýýýýbúið og annað alveg að koma. Ands... djö... helv...

Anywho, ég var rétt í þessu að fá staðfest að Atli bró og Maggi stórfrændi ætla koma um helgina alla leið frá Danaveldi. Og ætla vera í viku. Ekkert nema snilldin ein og ég hlakka mikið til að fá feðgana norður.

Á föstudaginn er sprellmótið mikla í HA? og verður eflaust endalaust gaman. Er samt að spá í að beila á því. Verð yfirleitt óstarfhæfur um fimmleytið þannig að það er ekki mikið á mér að græða og ég er viss um að liðsmenn mínir gráti ekki fjarveru mína.

Fórum niður í héraðsdóm í dag. Að spjalla við Óla dómara. Hann sat fyrir svörum fróðleiksfúsra laganema í mastersnámi og var að ræða um gjaldþrotalögin. Sem hann segir að séu einföld. Ekki mikið notuð samt. Ég er hinsvegar á leið í próf á föstudaginn úr nefndum lögum. Og mér finnst þau ekki einföld. En ég er enginn dómari þannig að....

Well, halda áfram að læra

/JFK

Monday bloody Monday

2006-09-27T20:27:00.000Z

Ég hef staðið mig að því í dag að muldra orð sem að ég hélt að ég ætti aldrei eftir að muldra. Sat í tíma og huxaði með mér "ég vildi að það væri mánudagur" Yes folks, þið lásuð rétt, mánudagur. Eiginlega vildi ég að það væri mánudagur svona ca fram á næsta miðvikudag. Af hverju, kunnið þið að spyrja. Vegna þess, svara ég þá, að það er próf á föstudaginn, það á að lesa einhverjar 18.000 bls fyrir þetta próf og ég hef ekki tíma. Annars er ég hress, að öllu öðru leyti en þetta er ég hress.

Svo var jói tönn að kaupa sér bíl, fallegan bíl. Mig langar í svona bíl en ég er fátækur námsmaður og hef ekkert efni á svona bíl. Mér er sama þó að fólk segi að ég sé ríkur því að ég hef heilsu, góða konu og allt það. Mig langar í dýran bíl, svoleiðis er það bara. Annars er þetta ekkert annað en vanþakklæti, auðvitað kann ég að meta þetta sem ég taldi upp áðan og er, eins og afinn í Jóni Odd og Jóni Bjarna sagði, moooooldríkur.

En kannski að ég ætti að snúa mér aftur að bókunum, sérstaklega í ljósi þess að ég var að enda við að kvarta undan að ég hefði engan tíma. Svo er ég á netinu. Að blogga. Vitleysa er þetta.

/JFK

Leirdúfur eru minni en þú heldur

2006-09-25T12:41:00.000Z

Fínasta helgi liðin. Fór í óvissuferð með KB-banka á laugardaginn sem var alveg hreint stórskemmtileg. Skeit á mig í leirdúfuleikfimi, skeit á mig í körfubolta en náði að vinna mér inn stig aftur í Brennó. Tapaði þeim stigum svo aftur í "ratleiknum". Heilt yfir ekki minn dagur. En fór í íshokkí og náði að skora. Svo var haldið á All-inn (á móti sjallanum) og borðað og farið í singstar. Þar náði ég nokkrum stigum í viðbót. En fínasta helgi alveg hreint.

Framundan er strembin vika, próf á föstudaginn sem ég er að fara verða ponsu stressaður fyrir. En það þýðir ekkert að væla, það hlustar hvort sem er enginn á mig.

Hilsa
/JFK

The same heygardencorner

2006-09-18T18:19:00.000Z

Á bókasafni Háskóla Akureyrar. Að skrifa ritgerð. Aftur.
Helgin komin og farin, stóráfallalaust. Kíkkti í vísindaferð á föstudaginn með lögfræðinni. Búinn að fara svo oft að ég gæti bruggað bjórinn ef starfsmenn Vikings ákveddu að fara í utanlandsferð saman. Hringja bara í jón og hann heldur starfseminni gangandi á meðan. Ákvað í ljósi þessa alls að halda mig bara nærri bjórdælunni á meðan liðið fór þennan vanalega rúnt um verksmiðjuna. Það var bara snilld.

Svo var farið heim, ZiggiRey og Jói Tönn kikktu og svo var haldið í bæinn. Endaði á Rokko syngjandi karókí og fór svo fljótlega heim eftir það, enda kvótinn búinn.

Var að byrja í nýjum áfanga í dag og mér lýst lala á það. "Gott" að vita til þess að sumir hafa ekkert breyst yfir sumarið og ákveðin atriði ætla greinilega að verða eins og þau voru í fyrra.

En allaveganna, ritgerðin skrifar sig ekki sjálf og ég fékk engan til að gera hana fyrir mig þannig að það er best að fara að snúa sér að þessu.

bless í bili
/JFK

Mamma + ammæli = kökur = víííííííí

2006-09-13T09:22:00.000Z

Það er þá kominn miðvikudagur sem þýðir aftur að það er alveg að koma helgi. Það sem er langsamlegast merkilegt við þennan dag er að mamma mín á ammæli. Til hamingju Mamma.

Eru til betri synir en ég, ég bara spyr. Og þetta er alvöru spurning þannig að ykkur er gert að svara í commentum.

Annars sit ég hér í skólanum að hlusta á samnemendur mína flytja fyrirlestra. Ég flutti okkar í morgun og er því laus úr því helvíti. Gott mál

Annars er ekki mikið í tíðindum. Fór með bílinn í skoðun í gær og hann fór athugasemdalaust í gegn. Og þegar ég segi athugasemdalaust þá er ég náttúrulega að ljúga því að skoðunarmaðurinn sagði að þetta væri "sko fínn bíll". Ég flokka þessi ummæli hiklaust undir athugasemd. Svo vantaði eitt parkljós en það væri óeðlilegt ef að það væri ekki.

En ég er að spá í að fara heim á eftir að horfa á Finding Nemo. Good times

JFK

Live from the library its JOOOOHHHNN Snow

2006-09-05T13:46:00.000Z

Jæja lömbin mín, þriðjudagur mættur á svæðið. Ég er kominn á kunnulegar slóðir, básinn minn góða á bókasafninu að svitna við ritgerðarsmíð. Það sem að er hinsvegar frábrugðið í þessu tilfelli er sú staðreynd að ég á ekki að skila ritgerðinni eftir 2-3 tíma og er pungsveittur að hamast. Nei herrabobb, ritgerðinni á ekki að skila fyrr en á föstudaginn. En hafið ekki áhyggjur, ég á eftir að missa allt niðrum mig og róa lífróður áður en langt um líður.
Annars er bara allt við það sama og ekkert nema gott um það að segja. Internetið á bókasafninu er svona on and off, eins og venjulega. Annars var verið að spá í hvort að við ættum að taka okkur saman og skella okkur í jessup keppnina á ný, gamla liði þe. Samningaviðræður eru á frumstigi en svo gæti farið að maður endurtaki þessa geðveiki, kemur í ljós.

Annars var ég að spá í að hafa þetta ekki mikið lengra núna, netið er eins og það er og ég er ekki frjór (í hugsun) akkúrat núna. Mér eiginlega leiðist eftir að hafa lesið þetta yfir svo óáhugavert er þetta.

Snúum okkur aftur að af hverju dómstólar í frakklandi hafa lögsögu yfir dananum sem býr í englandi.... gamanaðessu

/JFK

I´ll be a monkeys uncle

2006-08-30T08:38:00.000Z

I am flabbergasted. Árni búinn að fá uppreisn æru no less. Það skil ég ekki. Fólk á eflaust eftir að benda á það að hann sé búinn að afplána sína refsivist og það er af sjálfsögðu alveg rétt. En ástæðan fyrir því að farið er fram á uppreisn æru er sennilega sú að hann vill á þing aftur. Ef við stoppum aðeins og spólum til baka og lítum á brot hans þá kemur í ljós að hann var í opinberu embætti þegar að brotin áttu sér stað. Og ekki skal gleyma öllu dramanu sem að fylgdi í kjölfar þessa máls í fjölmiðlum með öllum þeim ásökunum sem þar komu fram (meðal annars að fjölskylda hans hefði verið lögð í einelti og what not). En erum við búin að gleyma þeim gífurlega einbeitta vilja af Árna hálfu til þess að hylja spor sín? Hversu oft hann varð uppvís að lygum, þegar hann veittist að myndatöku manni stöðvar tvö o.s.frv. Nú finnst mér við helst til fljót að gleyma.
Ég geri mér grein fyrir því að Vestmanneyingar eru allt annað en sáttir við samgöngur sínar og sjá sennilega í Árna einhvern bjargvætt. Og eflaust getur hann troðið í gegn einhverjar úrbætur, í það minnsta barist fyrir þeim og í kjölfarið vakið athygli. En að mínu mati var brotaviljinn greinilegur og sú staðreynd að hann skuli hafa orðið uppvís að lygum oftar en einu sinni finnst mér segja allt sem segja þarf.
Ég er allt annað en ánægður með þessa ákvörðun.

En í öðrum fréttum þá er allt gott að frétta. Skólinn að komast á fullt og ég líka. Fór í ræktina með jóa tönn og við erum á góðri leið með að verða helmassaðir og tannaðir, algerir súkkulaðidraumar yessiríbob.

/JFK

Á skólabekk á ný

2006-08-29T08:40:00.000Z

Wellwell þá er ég sestur á skólabekk á ný. Búinn að koma mér vel fyrir á aftasta bekk, með crewinu mínu og hef verið merkilega fljótur að vinna upp þá leiki sem að ég fór ekki í á leikur1.is í sumar. Slæmt að ég skuli hafa náð því á öðrum degi, en hey, það er alltaf solitare.

Annars er lítið að frétta, nema það að ég og Jói Tönn fórum í ræktina í gær og svo í bíó. Awfull bíó by the way, Dupree er bara engan veginn að gera sig. En ræktin var góð og það verður farið aftur í dag.

En ég ætla halda áfram að fræðast um muninn á residence og domicile, sem eins og allir vita er bara eins og svart og hvítt thankyouverymuch.

víííííí
/JFK

Að tengja sjónvarp er góð skemmtun

2006-08-25T09:06:00.000Z

Það get ég sagt ykkur að enginn veit hvað átt hefur fyrr en misst hefur börnin góð. Það að eiga sturtuklefa sem að virkar, lítur eiginlega nákvæmlega út eins og sá sem að þú upphaflega valdir þér og er svo fallegur að fólk grípur andann er stórlega vanmetið.
Svo er líka alveg frábært að geta ýtt á rofa og ljós í loftinu kvikna. Og að geta stungið örbylgjuofninum í samband án þess að þurfa að rífa ísskápinn fram, rífa hann úr sambandi til þess eins að geta poppað. Skýr mynd í sjónvarpinu er þó kannski það mikilvægasta af þessu öllu og hana hef ég loksins fengið. Ég ætla ekki að fara út í þau tæknilegu atriði sem fylgdu því að ná þessari kristaltæru mynd en við skulum segja að það hafi verið fljótgert og rafvirkinn minn gaf mér "look" sem að lét mér líða eins og hann væri að spá í hvernig ég færi að því að draga andann, svo vitlaus væri ég (hérna er orðið vitlaus notað af ásettu ráðið þar sem að síðueiganda finnst orðið "heimskur" vera orð með mun neikvæðari merkingu).

En þetta er raunveruleikinn sem ég bý við í dag. Nánast allt í íbúðinni virkar eins og það á að gera og ég er húrrandi hamingjusamur yfir því. Og alltaf verð ég jafn glaður þegar ég skrúfa frá sturtunni, kveiki ljósin eða sjónvarpið. Það þarf semsagt lítið til þess að gera mig hamingjusaman.

En í dag er síðasti dagurinn í vinnunni, ef frá er talinn morgundagurinn en hann er stuttur. Þannig að ég held að við getum öll sæst á það að ég eigi ca einn og hálfann dag eftir af sumarvinnunni. Ég hef haft þrælgaman af þessari vinnu minni í sumar og lært margt sem að ég hefði aldrei lært annarsstaðar. Ég er nánast sannfærður um það að ég viti meira um flísar en allir mínir vinir sem er reyndar ekkert til þess að stæra sig af.
En á mánudaginn tekur skólinn við og master-gráða í lögfræði blasir við. Ég er aðeins byrjaður að lesa fyrir fyrsta áfangann og hann lofar góðu. Og fyrir ykkur efasemdar manneskjunar, nei ég er ekki að ljúga þessu, ég er aðeins byrjaður að lesa.

Huxa að ég hafi þetta ekki lengra í bili þar sem að sumir af mínum vinum ráða ekki við að lesa meira en 14 línur í einu. muhahahahaha

Bestustu helgi lömbin mín,
/JFK

Langur pistill

2006-08-16T13:40:00.000Z

Flottur dagur í dag, sólin skín og allir glaðir. Ég er líka glaður. Í gær fór ég í mat og í fyrsta skipti í áraraðir ekki uppí húsasmiðju eða eitthvað annað að græja eitthvað heldur fór ég heim og át. Jamm, át í rólegheitum, tók þvottinn af snúrunni og hafði það gott. Gleymdi samt að búa um en ég mundi það í morgun þannig að það reddaðist.

Svo langar mig alveg afskaplega mikið að fara suður um helgina. Tveir af mínum bestu vinum að halda uppádaginn og menningarnótt. Verð hinsvegar að vinna þar sem að Dressmann er fátækt af starfsfólki þessa daganna. Það er búið að ráða slatta af liði en enginn getur byrjað fyrr en í sept. þannig að ég og Jói jaxl plús Heimir grænjaxl mössum þetta um helgina. Gamanaðessu.

Umræðan um réttindi samkynhneigða hefur verið frekar áberandi í kjölfar gay-pride dagsins. Alveg get ég orðið geðveikur þegar ég heyri málflutning sumra manna sem virðast þola illa að fólk hafi ekki allt sömu kynhneigð. Og í flestum tilfellum er rökstuðningur þeirra klæddur í búning trúarbragða. Ég hélt að við værum komin lengra en þetta að taka allt sem að biblian segir bókstaflega. Til eru mörg fáranleg dæmi um hvernig samfélag kristinna manna væri í dag ef það væri gert.
Og ekki er hægt að rökræða við menn sem eru svo sannfærðir um sannleik sinn að þeir eru ekki reiðubúnir að hlýða á rökstuðning mótaðilans. Eða þykjast hlusta og gera lítið úr, snúa útúr eða virða að vettugi það sem að hann segir.
Ég hef verið að fylgjast með umræðu á heimasíðu sem að hefur gert þetta að umræðuefni sínu undanfarið og þar finnst mér menn tala í hringi og aldrei svara almennilega þeim spurningum sem þeim eru erfiðar. Taka það sem að hægt er að svara á þægilegan hátt en tala svo í hringi um það sem að hentar ekki.
En þannig er það yfirleitt alltaf þegar talað er um trúarbrögð og þau notuð til þess að útskýra eða réttlæta ákveðna hegðun. Það er ekki hægt að rökræða trúarbrögð, það liggur í eðli þeirra.
En einu sinni sá ég tilvitnun sem mér finnst mikið til í. Það var maður sem var að tala um trúarbrögð og það góða og slæma sem hlotist hefur af þeim. Hann sagði að miðað við yfirlýst markmið flestra trúarbragða þá væri hægt að taka einn meginkjarna úr þeim sem þau öll áttu/eiga sameiginlegann. Og það sem meira er, það væri hægt að útskýra hann í tveimur orðum; "Skaðið ekki" (e."do no harm"). Við getum endalaust fundið nýjar leiðir til þess að skaða hvort annað, það er eitt af því sem mannkynið er sérfræðingur í. Hvort sem að það er gert með ofbeldi eða orðum (eins og í þessari umræðu)gildir einu. Geta ekki bara öll dýrin í skóginum verið vinir?

Auðvitað á að tryggja samkynhneigðum mannréttindi, það er ekkert flókið við það. Og að heyra annað gerir mig reiðan.
/JFK

Röng sturta á röngum tíma í vitlausri íbúð

2006-08-14T10:15:00.000Z

Hefði ekki trúað því en við erum flutt inn. Sváfum fyrstu nóttina okkar á laugardaginn og ég svaf eins og ungabarn, enda orðinn þreyttur. En Adam var ekki lengi í Paradís og ég var vakinn af Höllu minni rúmlega tíu (eða tæplega ellefu) til þess að halda áfram að taka uppúr pökkunum.
Svo fengum við afhentan rangan sturtuklefa. Hann var hinsvegar settur upp og nú stendur hvítur klefi með grænu gleri inná baði hjá okkur þar sem að á að standa grár klefi með reyklituðu gleri. Svo er græna þruman 80*80 en ekki 90*90 þannig að ég þarf að ganga inní hann á hlið og get varla snúið mér við þegar ég stend þar í öllu mínu veldi. En þetta er hægt að leysa og vonandi að það gangi hnökralaust. Fyrir þá sem eru núna að hugsa með sér "af hverju í veröldinni var Jón svo vitlaus að setja sturtuklefann upp þar sem að hann var ekki réttur" er rétt að taka fram að píparinn setti klefann upp og hann gat ekki vitað betur.
Svo eru ma og pa að fara heimsækja Atla, Evu og Magnús Mána flottastafrænda í Köben á morgun. Kolla sys er þegar mætt þangað og Scott (kallinn hennar Kollu ætlar líka að koma). Væri alveg til í að skella mér með þeim en það er nóg að gera í penthousinu mínu þannig að það gengur sennilegast ekki. Og þegar ég segi sennilegast ekki þá meina ég auðvitað alls ekki.

En mig langar að þakka þeim hundruðum manna sem að hjálpuðu okkur að græja penthousið og gera hana af eina af eftirsóttustu fasteignum landsins. Ég hefði aldrei getað staðið í þessu einn því eins og fram hefur komið á þessari síðu þá er ég enginn iðnaðarmaður. Knús og kossar og það verður innflutningspartý. Veit ekkert hvenær samt. En fljótlega. Ég lofa.

Wells, halda áfram að vinna

/JFK

Jíbbí Cola

2006-08-09T12:25:00.000Z

Versló komin og farin. Get ekki sagt að ég hafi verið áberandi í skemmtanalífi bæjarins þessa helgi en gerði heiðarlega tilraun á laugardaginn. Var að vinna í dressmann, aðeins í íbúðinni og fór svo austur á sunnudaginn og smíðaði eins og eitt stykki sólpall.

En í gær var byrjað að bera inn hluti í íbúðina sem eiga að vera í íbúðinni. Þar á meðal þvottavél, þurrkari og ísskápur. Það verður semsagt hægt að kæla bjórinn framvegis sem er ekkert nema fullkomið. En þessi þvottavél er afkvæmi djöfulsins. Það er bara svoleiðis. Ég og Jói Tönn bárum þetta upp og það þurfi að blása tvisvar í mig lífið og hnoða Jóa einu sinni. En upp fór kvikindið og það er eins gott að hún skili þvottinum hreinum.
Annars á þetta að vera voða fín græja, bluetooth tækni og what not. Sem þýðir aftur að ég á að geta hringt í vélina og startað henni þannig. Þetta er fídus sem ég kem sennilega aldrei til með að nýta mér en það er gott að vita af þessu.

anywhooo
/JFK

Barnsleg bjartsýni

2006-08-01T10:21:00.000Z

Þetta er allt að koma. Eldhúsinnréttingin var hvíttuð í gær (its a word) og það verður sennilega farið í það að laga aðeins til í dag. Það sér semsagt fyrir endan á extrememakeover geðveikini.

Ég hef hinsvegar í kjölfar þessa alls komist að einni niðurstöðu. Ég ætla að þéna afskaplega mikið af peningum í framtíðinni þannig að næst þegar við ákveðum að ráðast í eitthvað svona get ég sagt "ég vil hafa þetta svona og svona og svona" og komið síðan nokkrum dögum seinna og þá verður það svona og svona og svona.
Gaman líka hvað maður er barnslega bjartsýnn við upphaf svona verks. Setningar eins og "þetta verður ekkert mál", "þetta tekur enga stund" og "pfffff, easy peacy" hljóma kjánalegar þegar upp er staðið.

Hinsvegar, þetta er að verða búið. Og mikil hamingjutilfinning grípur mann þegar maður lítur yfir slotið og sér afrakstur mikillar vinnu (annarra manna vinnu en vinnu engu að síður).

Svo þegar búið er að sjá um þessi litlu smáatriði sem eftir eru (flísaleggja bað, lakka innréttingu og svoleiðis smáhlutir) þá er að flytja. Og reyna að raða þessu drasli sem við eigum þannig að það komist allt fyrir í íbúðinni. Áskorun vissulega, en ég mun ekki skorast undan henni. Enda verður þetta sennilega þannig að Halla mín segir mér hvar hún vill fá þetta og ég er bara alveg sáttur við það fyrirkomulag. Stílisti er ég ekki.

En það líður að versló og ég var búinn að heyra að þrír af félögunum ætli að gera sér ferð norður. Gaman ef rétt reynist.

Vel, þessi færsla hefur tekið ca þrjá/fjórðu úr degi. Bæði vegna þess að hún er tiltölulega löng og vegna þess að ég er svo stirður í puttunum að hvert slag á lyklaborðið er eins og 10.000volta straumi sé hleypt í gegnum litla kroppinn minn (og nei ég veit ekkert hvernig það er að fá 10.000 voltum hleypt í gegnum líkama minn en ég ætla að taka edjucated guess á þetta)

JFK

Iðnaðarmaður? ...not so much no...

2006-07-21T13:59:00.000Z

Wellwellwell,
þá er búið að vera að vinna í "cribbinu" undanfarna daga og fátt annað komist að. Ég hef komist að því að ég er enginn smiður, pípari, málari eða rafvirki. Það eina sem ég hef getað komist nokkurn veginn skammlaust frá er að slátra flísum, enda með þar til gert verkfæri í það og það gæti hreinlega ekki verið einfaldara. Í grófum dráttum þá fer þetta svona fram:

1)Setur verkfærið í samband (jamm það er drifið áfram af rafmagni til þess að lágmarka líkamlegt erfiði)

2 Beinir verkfærinu að flísarfórnarlömbunum

3)Ýtir á þartilgerðann takka

4) Hvissbúmm og flísarnar brotna.

Það held ég nú yes sir í bob!

Það er semsagt nánast algerlega Höllu minni, vinum og fjölskyldu að þakka að þessi íbúð verður yfir höfuð íbúðarhæf. En það lítur út fyrir að það verði klárað að mála um helgina og þá er bara eftir að pússa upp eldhúsinnréttinguna og búa til eins og eitt stykki nýtt baðherbergi. Vona bara að ég hafi skilið eftir nóg mikið af veggjunum þar inni svo að nýju flísarnar tolli á.

Home makeover

2006-07-18T10:02:00.000Z

Ahoj there
Allý er búin að taka mig útaf blogglistanum sínum og lái henni hver sem vill. Ég er aumur bloggari þessa daganna en ætla þó að skýla mér á bakvið hina ódauðlegu afsökun "það er búið að vera mikið að gera".

Ég og Halla erum búin að fá íbúðina okkar afhenta, þ.e. leigjandinn okkar er ekki leigjandinn okkar lengur. Af því tilefni er íbúðinni rústað til þess eins að byggja hana upp aftur. Við örkuðum semsagt þarna inn ásamt her manna og erum búin að vera að taka kvikindið í gegn. Ég var settur í að brjóta niður baðherbergisflísarnar þar sem mér finnst skemmtilegra að brjóta niður en að byggja upp. Ég og þetta umrædda baðherbergi (sem Jói Dentist er þegar búinn að vígja) höfum þróað með okkur eins konar love/hate relationship. Held þó að ástin muni sigra að lokum og ég eigi eftir að eiga margar unaðstundirnar þar inni.

Það styttist í að skólinn hefjist á ný og það er vel. Hlakka til að fara að tækla námsbækurnar eftir sumarfríið sem bendir til þess að ég hafi áhuga á því sem ég er að læra. Það er einnig vel.

Eitt sem að ég hjó eftir í fréttum um daginn. Það var stúlka sem að kærði nauðgun þar sem að fjórir menn eru grunaðir um ódæðið. Ég ætla ekki að fjalla um hversu viðbjóðslegur glæpur nauðgun sé heldur aðeins að minnast á fréttaflutninginn í sambandi við þetta tiltekna mál.
Ónefndur fjölmiðill sá ástæðu til þess að taka það fram að þeir menn sem grunaðir eru um verknaðinn séu allir af erlendum uppruna.

Hvað með það?
Hverjum á að líða betur vegna þess?

Ég held að fórnarlambinu sé nokk sama, sársaukinn er hvorki meiri né minni fyrir vikið.
Þegar að fréttir eru bornar svona fram "erlendum uppruna" verður það til þess að það litla umburðarlyndi sem til staðar er í samfélaginu verður enn minna. Af hverju ekki að taka fram trúarbrögð, litarhátt osfrv.

Ég er á móti svona fréttaflutningi.

En ég er að oxast úr þreytu.

Það þýðir hinsvegar ekkert að væla, halda áfram að vinna og svo að gera cribbið að mansion

JFK

Alive and kicki´n

2006-06-26T15:05:00.000Z

það held ég nú yessiríbob

Ákvað að henda inn nokkrum línum þar sem að langt er liði síðan síðast. Fullt sem er búið að gerast mismerkilegt þó. Ég er semsagt að selja flísar á fullu og alltaf að komast betur og betur inní það.

Ég útskrifaðist, með herkjum þó, því að þegar ég var búinn að koma mér upp á svið og setja mig í stellingar til þess að taka á móti prófskirteininu var öllum tilkynnt að ég væri fjarverandi. Huh! Þar sem að ég hafði enga hugmynd um að ég væri fjarverandi ákvað ég að snúa við og labba niður af sviðinu og handrota fyrsta manninn sem ég sæi. Til þess kom þó ekki þar sem að Rachael áttaði sig á því að ég væri í raun viðstaddur og þetta var leiðrétt. Ég fékk því skirteinið góða og allt fór vel að lokum. En þjáningum mínum var þó ekki lokið því að ég átti enn eftir að fara í Stefánslund í myndatöku hjá P.P. og það var bara alls ekki gaman.
En svo var farið heim í H.M., veislu og svo partý þannig að þetta var frábær dagur.

Ég ætla ekki að hafa þetta lengra í bili en læt kannski ekki líða jafn langt í næstu færslu.

JFK

p.s. hvað segir kallabklúbburinn annars um pókerkvöld?

Good necks

2006-05-15T12:58:00.000Z

Góðir hálsar,
ég er búinn. Ég er búinn að skrifa B.A. ritgerð. Ég er búinn að henda henni í Stell og láta það góða fólk prenta B.A. ritgerðina út. Ég er búinn að skila henni til prófstjóra. Ég er búinn.

Framundan er semsagt sumarið. Ég og Halla mín ætlum að starta því formlega á fimmtudaginn með því að chilla við sundlaugina í garðinum fyrir utan villuna sem að við ætlum að búa í á Spáni. Svo komum við heim.

Þá tekur við vinna, en í sumar ætla ég að selja flísar og önnur gólfefni í stórversluninni Vídd þar sem tengdafaðir minn ræður lögum og lofum. Þetta verður því talsverð breyting þar sem að undanfarin sumur hef ég verið í Dressmann eins og alþjóð veit.

En þar sem að ég verð á spáni í viku kem ég ekki til með að blogga á þessa síðu í ca svo langan tíma. Svo veit maður ekki hvort að maður eigi að vera halda út þessari síðu, commentum hefur í það minnsta fækkað og kannski væri öllum greiði gerður ef þeim væri hlíft við ruglinu í mér híhí.

JFK, alveg að verða piparsveinn í listum (B.A.)(í crack myself up)

Bú-hú-hú-inn

2006-05-11T11:14:00.000Z

Það held ég nú yessiríbob!
Nú er bara eftir að henda draslinu niður í stell og bíða og vona að maður fái að útskrifast í vor.
En var ég búinn að nefna að ég er að fara til spánar?
vííííí

JFK

We-he-hell

2006-05-10T17:59:00.000Z

Í kvöld kem ég til með að klára BA ritgerð. Á morgun hendi ég henni niður á Stell sem prentar hana út í fimm eintökum (og tekur 6000 kall fyrir) og á mánudaginn skila ég henni.

Svo fer ég til spánar.

já góðir hálsar, spánar.

Ég og Halla mín vorum að panta ferð á netinu, förum út þann 18. og verðum í viku. Ég ætla ekki að gera neitt nema að liggja við sundlaugarbakkann og sötra öl. Ekki neitt.

Ákvað að deila þessu með ykkur.

JFK

Jón og stóllinn á bókasafninu

2006-05-05T13:17:00.000Z

Orðið uppvakningur kemur í hugann þegar ég huxa um hvernig ég hef verið undanfarna daga. Ég og stóllinn á bókasafninu eru orðnir eitt og heimurinn minn hefur minnkað til muna, samanstendur af fartölvu, fullt af heimildum og kóki í lítravís.
En nú horfir allt til betri vegar. Ritgerðin nokkurn veginn klár og ég ætla undirbúa mig fyrir uppskurðin sem þarf til þess að ég losni frá stólnum.

Svo er helst í fréttum að Helena, systir Höllu minnar, er að fara opna hárgreiðslustofu á laugardaginn. Þetta verður alveg svakalega flott hjá þeim, er búinn að reka nefið inn aðeins (já með stólinn fastann við rassgatið) og þetta lítur ekkert smá vel út. Þannig að allir sem ég þekki eiga að fara í klippingu þangað. Ekkert flóknara en það. Nosirrybob!

Anywhoooo, ég ætla að halda áfram að reka smiðshöggið á meistaraverkið

blæíbili
JFK

Inni maðurinn = Inside man

2006-04-30T14:57:00.000Z

Fór í bíó í gær með Höllu minni á inside man. Stórgóð. Spike Lee að gera góða hluti og aldrei þessu vant þá var ekkert gífurlega mikil ádeila á einhvern einn hóp. Það var pínu ádeila, en ekki gífurlega mikil, svo að það sé á hreinu.
En mæli hiklaust með þessari ræmu, þrælgóð. Ætla að smella á hana fjórar stjörnun af fimm mögulegum.

Svo eru Atli bró, Eva Mágk og Magnús Máni stórfrændi í heimsókn. Rosalega gaman að sjá litla frænda sem er reyndar að stækka yfirnáttúrulega hratt. Krútlegasta barn í heimi, segi það og skrifa.

Annars er allt við sama heygarðshornið, BA og aftur BA. Gaman aðessu.

JFK

Vúbbbdííídúúúú

2006-04-24T22:19:00.000Z

Virðuleg fyrirsögn á virðulegu bloggi...

Anywhooo...

....ég hef verið bænheyrður. Skiladegi B.A. hefur verið frestað og í stað þess að skila fullkláruðu verki 1.næsta mánaðar á að skila því 15. næsta mánaðar. Sem er gott. Annars hefur vinnan bara gengið nokkuð vel eftir að maður náði að sökkva sér almennilega í þetta. Ritgerðin lengist jafnt og þétt og allt eins og það á að vera.
En það verður svo sem að hafa það í huga að það er fátt annað sem kemst að þessa daganna og þegar maður er inntur eftir fréttum er það yfirleitt tómur svipur sem ég svara með. Ef ég yrði hinsvegar spurður um málefni ríkisfangslausfólks kæmi fólk ekki að tómum kofanum, nosiríbob!

anywhoo, þýðir ekkert að slaka á þó svo að fresturinn sé kominn. Halda áfram af fullum krafti og klára þetta helv....

Annars var Raggi að kaupa sér bíl og Mojoe líka. Veldi á þessum sunnanmönnum, til hamingju með þetta drengir.

JFK

Öppdeit

2006-04-21T13:57:00.000Z

Gaurinn sem festist á flugvellinum í færslunni hér að neðan er víst ennþá á flugvellinum. Í myndinni endaði þetta allt voða vel og allir glaðir en í raunveruleikanum er kappinn fyrir framan eitthvað check-in counter á Charles De Guelle flugvellinum í Frakklandi. Og búinn að vera það í einhver 17-18 ár. Orðinn geðveikur í þokkabót. En á samt alltaf þessa 250.000 dollara sem að spielberg og félagar borguðu honum. Og peningana sem hann fékk fyrir bókina sem hann skrifaði um reynslu sína.

anywhoo ef að langt líður á milli bloggfærslna er það B.A. að kenna og ekki mér.

JFK

It's Hollywoods world, we only live in it

2006-04-12T21:42:00.000Z

Ég er svona eiginlega búinn að komast að því að Hollywood stjórnar heiminum og öllu sem í honum gerist. Þessa uppgvötun má rekja til heimildarvinnu minnar fyrir B.A. ritgerðina (segiði svo að maður læri ekkert af því að vera í skóla).

Ritgerðin á semsagt að fjalla um réttindi fólks sem er án ríkisfangs. Glöggir lesendur huxa núna með sér "jáaaaaa eins og í myndinni þarna með Tom Hanks um gaurinn sem
festist á flugvellinum"

Jepp nákvæmlega það (ásamt öðrum aðstæðum). Nema hvað. Ég ákvað að googla þennan Viktor Navorski, sem sagan The Terminal byggir á, í von um að finna eitthvað sem að gæti hjálpað mér varðandi verkefnið. Í ljós kemur hinsvegar að google er alveg sama um Viktor og reynir alltaf að benda mér á Tom Hanks, the Terminal eða kvikmyndagagnrýni, sem hjálpar mér náttúrulega ekki neitt því ég er búinn að sjá myndina og get gagnrýnt hana sjálfur.

Ef leiðbeinandinn minn rambar inná þessa síðu og getur lesið íslensku skal það tekið fram að ég kem ekki með að byggja ritgerð mína á Viktori eingöngu, ætlaði aðeins að nota sögu hans mér til fróðleiks.

En sem betur fer eru til heimildir um þetta tiltekna efni sem ég get leitað í og af nógu að taka.

Best að halda áfram að rýna í þær og hætta blogga.

JFK

Celebið ég

2006-04-10T21:53:00.000Z

Jæja, mánudagur og ekkert með það. Er búinn að vera rosalega erfiður í gang á morgnana síðan ég kom heim frá usa. Vill eiginlega bara sofa og sofa. En það þýðir ekkert því að ég þarf að vinna í dressmann þessa vikuna og gera B.A. ritgerð. Góðu fréttirnar eru þær að ég er búinn með allt sem ég átti að gera í áfanganum hjá Tim. Slæmu fréttirnar eru hinsvegar þær að ritgerðirnar tvær voru svoltið crappy.

Annars er ég frægur í 15min í dag. Búið að birta grein á mbl.is, fsha.is, dagur.net og ég veit ekkert hvar og hvar um svaðilförina miklu til D.C.
Gaman aðessu eins og þeir segja.

En nú er ég þreyttur, brjálað að gera í dressmann í dag og allir að missa sig vegna ferminga, vantar föt á strákinn og pabbann og það á að vera veisla á morgun. Common people, organize. Redda þessu með fyrirvara.

Ætla heim að lulla.
JFK

Örblogg

2006-04-07T10:55:00.000Z

Þá er ein ritgerð að baki, einn fyrirlestur og eitt próf. Þá er bara eftir ein ritgerð og B.A. ritgerð eftir, easy peasy.

Svo er farið að styttast í páskanna, þetta þýtur áfram. Það heldur áfram að snjóa og því ætti að vera eitthvað af fólki í bænum að skíða á páskunum.

Svo er helgin eiginlega bara kominn, verður rólegt í kvöld, úrslit í idolinu og ég er að spá í að fá mér smá öl og slaka á yfir því.
Á morgun ætlum við Halla mín svo að fara út að borða og ég hlakka til. Er eiginlega farinn að finna bragðið af steikinni núna og því farinn að slefa í samræmi við það. Spurning hvort að þetta verði jafn gott og maturinn sem við strákarnir fengum okkur í D.C. á "The Grill" en það var syndsamlega gott.

Annars væri gaman að heyra hverjir af sunnanmönnum ætla að koma norður um páskanna og þá hvenær, endilega kommenta.

sný mér aftur að því af hverju ætti að lögleiða eiturlyf

JFK

Abe is fine

2006-04-05T13:34:00.000Z

Wellwell kominn aftur frá usa. Frábær ferð. Okkur gekk ágætlega í keppninni, lentum reyndar í því að einn liðsmaður veiktist þannig að þetta hefði geta farið enn betur. Heilt yfir held ég að við getum verið stolt af okkur frá litla Íslandi og borið höfuðið hátt.
D.C. er afskaplega flott borg og við vorum þess heiðurs aðnjótandi að vera þarna í "cherry-blossom" hátið. Hún snýst semsagt um þessi litlu krúttlegu tré sem blómstra í 3 vikur á ári og viti menn, voru að ná hápunkti þessa daga sem við vorum þarna. Good times.
Svo vorum við næstum því keyrð niður af leyniþjónustunni, lentum óafvitandi í kvikmynd og heilsuðum uppá Abe.

Nenni samt ekki að skrifa meira því að ég þarf að skila inn tveimur ritgerðum, halda einn fyrirlestur og taka eitt próf. Helst í gær.
Ójá, svo er það B.A. ritgerð....

JFK

Niðurtalningin er hafin

2006-03-20T10:49:00.000Z

Þá eru fjórir dagar í D.C. sem er náttúrulega bara fáranlegt. Eftir sex mánaða undirbúning er loksins komið að þessu. Sonneretta.
Það þýðir aftur að næstu fjóra daga verður lítið sem kemst að í lífi okkar sem ekki tengist Phillip C. Jesus keppninni á einhvern hátt.

Helgin var með rólegasta móti, afrekaði það að vinna og næla mér í kvef. Ég held að ég sé með eitthvað það lélegasta ónæmiskerfi í álfunni. Er að bryðja allar töflur sem að ég kemst í til þess að losna við þetta helv... og vonandi að það gangi upp. Er hinsvegar búinn að tilkynna þeim sem hafa áhuga á að ég fer út þó að ég sé kominn með lungnabólgu og byrjaður að hósta blóði. Það verður farið til usa og ekkert með það.

Okkur var bent á að búa til bloggsíðu fyrir jessup-liðið þannig að þeir sem áhuga hafa geti fylgst með framvindu mála í D.C. Slóðin er www.islandsmeistarar2006.blogspot.com og hvet ég sem flesta til þess að kikka á þessu. Við ætlum að reyna að henda inn upplýsingum þegar við erum þarna úti og aldrei að vita nema myndavélin verði tekinn upp.

En ég ætla að snúa mér aftur að the international court of justice. Good times!

JFK

Lögleiðing eiturlyfja og ammæli

2006-03-15T09:09:00.000Z

Fyrst ég er hérna þá get ég alveg eins bloggað.

Panell í gær þar sem að við fórum á kostum. Vorum að halda ræðurnar okkar fyrir þungarvigtarfólk í þjóðarrétti og þóttum bara standa okkur vel. Núna eru líka bara níu dagar þangað til við förum út þannig að það er eins gott að þetta sé að smella saman.

Fór í ræktina í fyrsta skiptið í árþúsund í gær. Það var fínt og ég finn aðeins fyrir því í litla kroppnum mínum, strengir og solleiðis.

Byrjaði í nokkuð áhugaverðum áfanga á mánudaginn. Hann fjallar í grófum dráttum um hvort að lögleiða eigi eiturlyf. Kom mér á óvart hversu margir eru til í að skoða þann möguleika, ég þar meðtalinn. Legg þó áherslu á "að skoða þann möguleika". Það eru rök í báðar áttir og umræður í tíma hafa verið áhugaverðar. Vonandi verður þar áframhald á.

Annars er nóg að gera og styttist óðfluga í afmælisdaginn minn. Í fyrra voru mamma og pabbi í útlöndum þegar ég átti afmæli. Fyrir þá sem ekki vita er ég mikið afmælisbarn og verð að viðurkenna að ákveðin vonbrigði og sárrindi fylgdu því að foreldrar mínir hafi ákveðið að flýja land á þessum merkisdegi. Ég sá mér því leik á borði og ákvað að hefna mín í ár. Það eina sem ég þurfti að gera var að koma mér í jessup-lið, læra eins og vitleysingur í fjóra mánuðir, leggja elstu lagadeild á Íslandi af velli og hvissbúmm ég er kominn með farseðil til Washington.
Keppnin verður semsagt sett þann 26.mars sem eins og allir vita er ammælisdagurinn minn.

Anywho, er að huxa um að hafa þetta ekki lengra í bili, þarf að vinna aðeins í ræðunni.

JFK

Roadkill

2006-03-08T13:46:00.000Z

Jessup farið að taka sinn toll, ég missti af Barcelona v Chelsea. Var á tímibili í gær að huxa um að draga mig útúr liðinu til að geta horft á leikinn. En sem betur fer gerði ég það ekki því að mínir menn náðu bara jafntefli í frekar daufum leik.

Ég var hinsvegar að halda ræðu mína fyrir Ásgeir og Racheal og var grillaður. Mig dreymdi meira segja í nótt að ég hefði lent í bílslysi, sem er svo sem í samræmi við frammistöðu mína í gærkveldi. En batnandi mönnum er best og lifa og dómaraparið sagði að það væri margt gott í þessu hjá okkur.

Kennslu í sveitarstjórnarrétti lauk svo í dag og bara eftir próf á föstudaginn. Það þýðir annað krossapróf sem eru ekki í sérstöku uppáhaldi hjá mér en það þýðir ekkert að væla.

Sá Brokeback mountain í fyrradag. Djísusfokkinkræst. Myndin var vel leikinn, flott umhverfi og allt það. Eini gallinn við hana var í raun hversu óhóflega drepleiðinleg hún var.

En jæja, sný mér að sveitarst.rétt vííííi

JFK